ఎన్నికల నిర్వహణకు రంగం సిద్ధమవుతోంది.

3,878 వార్డుల్లోనూ ఎన్నికలు...
ఈ నెల 13, 16 తేదీల్లో నోటిఫికేషన్  26, 29 తేదీల్లో పోలింగ్.....
జిల్లా కలెక్టర్ మహేష్ కుమార్...
అమలాపురం మేజర్ న్యూస్ 
డాక్టర్ బి.ఆర్. అంబేద్కర్ కోనసీమ జిల్లాలో గ్రామ పంచాయతీ ఎన్నికల నిర్వహణకు రంగం సిద్ధమవుతోంది. జిల్లాలోని 342 గ్రామ పంచాయతీలకు సర్పంచులు, 3,878 వార్డులకు వార్డు సభ్యులను ఎన్నుకునేందుకు రెండు విడతల్లో ఎన్నికలు నిర్వహించనున్నట్లు జిల్లా కలెక్టర్ డా. ఆర్. మహేష్ కుమార్ వెల్లడించారు. తొలి విడత ఎన్నికలు ఈ నెల 26న, రెండో విడత ఎన్నికలు 29న నిర్వహించనున్నట్లు తెలిపారు. ఇందుకు సంబంధించి ఎన్నికల సంఘం ఈ నెల 13న తొలి విడతకు, 16న రెండో విడతకు నోటిఫికేషన్లు విడుదల చేయనుందని పేర్కొన్నారు.
ఇందుకు అనుగుణంగా పోలింగ్ కేంద్రాల్లో అవసరమైన ఏర్పాట్లు చేపట్టాలని అధికారులకు సూచించారు.
ఎన్నికల నిర్వహణకు సన్నాహాలు
జిల్లాలోని 342 గ్రామ పంచాయతీలు, 3,878 వార్డులకు సంబంధించి ఎన్నికల నిర్వహణ కోసం ఇప్పటికే అవసరమైన ఏర్పాట్లు చేపట్టినట్లు కలెక్టర్ తెలిపారు. పోలింగ్ కేంద్రాల గుర్తింపు, ఎన్నికల సిబ్బంది నియామకం, పోలింగ్ సామగ్రి సమీకరణ, ఇతర మౌలిక సదుపాయాల కల్పనపై అధికారులు దృష్టి సారించాలన్నారు. ఎన్నికల ప్రక్రియ సజావుగా, ప్రశాంతంగా, పారదర్శకంగా జరిగేలా అన్ని శాఖల అధికారులు సమన్వయంతో పనిచేయాలని జిల్లా కలెక్టర్ డా. ఆర్. మహేష్ కుమార్ సూచించారు.