ఎంపీటీసీ ఎన్నికల నామినేషన్ల స్వీకరణ ప్రారంభం

అనంతపురం రూరల్ మేజర్ న్యూస్ :  స్థానిక సంస్థల ఎన్నికలలో భాగంగా అనంతపురం రూరల్ మండల పరిషత్ కార్యాలయంలో ఎంపీటీసీ ఎన్నికలకు నామినేషన్ల స్వీకరణ బుధవారం ఉదయం 10:30 గంటల నుంచి ప్రారంభమైంది. జడ్పిటిసి ఎన్నికలకు జిల్లా పరిషత్ కార్యాలయంలో ఎన్నికల అధికారులు నామినేషన్లను స్వీకరిస్తున్నారు.  రూరల్  మండలంలో 36 ఎంపిటిసి స్థానాలకు ఈనెల 21 నుంచి 23 వరకు  వివిధ రాజకీయ పార్టీల నుంచి అభ్యర్థులు వచ్చి నామినేషన్లు వేయనున్నారు . తొలి రోజు తొలి  నామినేషన్ ను రాచానపల్లి ఎంపిటిసి 1 టిడిపి అభ్యర్థి రమ్య ఎన్నికల ఆఫీసర్ నారాయణ స్వామికి అందజేశారు.   నామినేషన్ల ప్రక్రియ సందర్భంగా ఎంపీడీవో కార్యాలయం వద్ద.. ఎలాంటి అవాంఛనీయ ఘటనలు చోటు చేసుకోకుండా.. రూరల్  సీఐ శ్రీకాంత్ యాదవ్ పోలీసులు గట్టి బందోబస్తు ఏర్పాటు చేశారు. బందోబస్తును డిఎస్.పి కరుణాకర్ పర్యవేక్షించారు.  ఎన్నికల నామినేషన్ల విధులపై  ఎన్నికల  సిబ్బందికి ఏ ఆర్ ఓ దివాకర్  దిశా నిర్దేశం చేశారు.