ఎమ్మెల్యే ఆరిమిల్లి జన్మదినం సందర్భంగా రక్తదాన శిబిరం తోపాటు పలు సేవా కార్యక్రమాలు.

తణుకు, సూర్య న్యూస్ :తణుకు ఎమ్మెల్యే,రాష్ట్ర పిఏసి కమిటీ సభ్యులు,జోనల్ కో-ఆర్డినేటర్  ఆరిమిల్లి రాధాకృష్ణ జన్మదిన వేడుకలను ఆయన అభిమానులు సామాజిక సేవా కార్యక్రమాలతో నిర్వహించారు. ఆదివారం స్థానిక రెడ్‌క్రాస్ బ్లడ్ బ్యాంకు ఆవరణలో కేక్ కట్ చేసి జన్మదిన వేడుకలు జరుపుకోవడంతో పాటు పచ్చదనం పెంపొందించే లక్ష్యంతో మొక్కలు నాటారు. అనంతరం స్వచ్ఛంద రక్తదాన కార్యక్రమం నిర్వహించి సేవా స్ఫూర్తిని చాటుకున్నారు.ఈ సందర్భంగా రెడ్‌క్రాస్ సమన్వయకర్త పెండ్యాల సూర్య మాట్లాడుతూ, ఆపదలో ఉన్నవారికి సకాలంలో రక్తం అందించడం ద్వారా విలువైన ప్రాణాలను కాపాడవచ్చన్నారు. ఒక వ్యక్తి దానం చేసిన రక్తంలోని వివిధ భాగాలు అవసరాన్ని బట్టి ముగ్గురు రోగులకు ఉపయోగపడే అవకాశం ఉందని వివరించారు. ఎమ్మెల్యే రాధాకృష్ణ జన్మదినాన్ని కేవలం వేడుకలకే పరిమితం చేయకుండా సమాజానికి ఉపయోగపడే కార్యక్రమాలతో నిర్వహించాలనే ఉద్దేశంతో రక్తదాన శిబిరం ఏర్పాటు చేసినట్లు తెలిపారు. యువత స్వచ్ఛంద రక్తదానానికి ముందుకు రావాలని పిలుపునిచ్చారు.ఈ కార్యక్రమంలో పెండ్యాల సూర్య, ఆకుల సునీల్, అల్లం మణికంఠ, కొమ్మర సతీష్, అనగం శ్రీహరి స్వచ్ఛందంగా రక్తదానం చేశారు.వాకర్స్ సంఘ నాయకులు కోడూరి ఆంజనేయులు, కూటమి నాయకులు చిట్టూరి సాయిబాబా, మేడికొండ నాగయ్య, సప్పా రాజు, కాలే సత్తిబాబు, బొల్లాడ నాగరాజు, రాసాబత్తుల అనుకుమార్, రాకేష్, బడేటి సాయిరాం, సిర్రా బ్రహ్మయ్య, అనిత, ఆకుల వెంకటేష్ తదితర నాయకులు, కార్యకర్తలు, అభిమానులు పాల్గొన్నారు.

రిపోర్టర్. ..అనుకుమార్. ..తణుకు. ..పశ్చిమగోదావరి జిల్లా. ..