ధాన్యం కొనుగోలుపై సిబ్బందికి శిక్షణ
బాడంగి, సూర్య: ఖరీఫ్ 2026-27 సీజన్కు సంబంధించి రైతు సేవా కేంద్రాల ద్వారా ధాన్యం కొనుగోలు ప్రక్రియపై సిబ్బందికి సోమవారం ఒకరోజు శిక్షణ కార్యక్రమం నిర్వహించారు. స్థానిక మండల పరిషత్ కార్యాలయ సమావేశ మందిరంలో ఆంధ్రప్రదేశ్ రాష్ట్ర పౌరసరఫరాల సంస్థ, విజయనగరం జిల్లా ఆధ్వర్యంలో ఈ కార్యక్రమం జరిగింది. మండలంలోని 14 రైతు సేవా కేంద్రాలకు చెందిన వ్యవసాయ సహాయకులు, సాంకేతిక సహాయకులు, డేటా ఎంట్రీ ఆపరేటర్లు, కస్టోడియన్ అధికారులు, వెలుగు సిబ్బంది, సీఈఓలకు కొనుగోలు విధానంపై అవగాహన కల్పించారు. కార్యక్రమంలో సీడీఎస్టీ ఏ. స్వర్ణలతతో పాటు పౌరసరఫరాల శాఖ సిబ్బంది పాల్గొన్నారు.