దీపావళి ప్రజల జీవితాల్లో కొత్త కాంతులు తేవాలి : తెలుగుదేశం పార్టీ యువనేత నాగూర్ వలి ఆకాంక్ష

మదనపల్లి,మేజర్ న్యూస్ : దీపావళి పండుగ ప్రజల జీవితాలలో వెలుగులు నింపాలని తెలుగుదేశం పార్టీ యువనేత,ఆర్టీసీ 1,2 డిపోల ఎంప్లాయిస్ యూనియన్ గౌరవాధ్యక్షులు నాగూర్ వలి (షో ఆప్ శీనా) పేర్కొన్నారు.ఈ సందర్భంగా ఆదివారం ఆయన విలేకరులతో మాట్లాడుతూ నియోజకవర్గం,మదనపల్లి పట్టణ ప్రజలకు దీపావళి శుభాకాంక్షలు తెలియజేస్తున్నానన్నారు.భారతదేశం సర్వమత సమ్మేళనమని,అన్ని మతాలవారు ఐకమత్యంతో ముందుకు సాగి మతసామరస్యాన్ని చాటుతూ ప్రపంచ దేశాలకు ఆదర్శంగా నిలుస్తున్నారని ప్రశంసించారు.చెడుపై మంచి సాధించిన విజయానికి ప్రతీకగా దీపావళిని జరుపుకుంటారని తెలిపారు.ముఖ్యంగా మదనపల్లి పట్టణంలో హిందూ,ముస్లిం అన్ని పండుగలు ఐకమత్యంతో జరుపుకోవడం సోదర భావానికి నిదర్శనమన్నారు.కూటమి పాలనలో ప్రజలంతా సుఖసంతోషాలతో జీవిస్తున్నారని,సూపర్ సిక్స్ పథకాల ద్వారా ప్రతి ఇంటికి సంక్షేమ ఫలాలు అందుతున్నాయని వెల్లడించారు.ముఖ్యమంత్రి నారా చంద్రబాబు నాయుడు సారధ్యంలో ఏపీ,ఎమ్మెల్యే మహమ్మద్ షాజహాన్ బాషా నేతృత్వంలో మదనపల్లి నియోజకవర్గం అభివృద్ధి పథంలో దూసుకుపోతున్నాయని కొనియాడారు.కూటమి పాలనలో మరింత అభివృద్ధి దిశగా అడుగులు పడుతున్నాయన్నారు.అదేవిధంగా మున్సిపల్,ఎంపీటీసీ,జెడ్పిటిసి ఎన్నికలలో విజయం సాధించిన కూటమి అభ్యర్థులకు శుభాకాంక్షలు తెలియజేశారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి