దాడులు చేసి బాధితుల పైనే కేసులు పెట్టడం దారుణం - మాజీ ఎమ్మెల్యే రామిరెడ్డి ప్రతాప్ కుమార్ రెడ్డి ధ్వజం

బిట్రగుంట, మేజర్ న్యూస్ :  బోగోలు మండలం కోళ్లదిన్నె గ్రామంలో వైసిపి వారిపై దాడి చేసిన  నిందితులను ఎమ్మెల్యే వెనక వేసుకు వస్తూ బాధితులపైనే తిరిగి కేసులను నమోదు చేయడం దారుణమని కావలి మాజీ ఎమ్మెల్యే రామిరెడ్డి ప్రతాప్ కుమార్ రెడ్డి వాపోయారు.  సోమవారం ఆయన కావలి డిఎస్పి వి.వి రమణ కుమార్ ను కలిసి ఈ విషయమై విన్నవించారు. ప్రస్తుత ఎమ్మెల్యే చెప్పినట్లుగా నడుచుకుంటూ అన్యాయం చేయడం అమానుషమన్నారు. గతంలోనూ ఆ గ్రామంలో ఇలాంటి ఘటనలు జరిగాజరిగాయని గుర్తుచేశారు.  ఆసుపత్రిలో చికిత్స పొందుతుంటే అక్కడ కూడా  దాడులు చేసిన వైనాన్ని వివరించారు. కార్యక్రమంలో వైకాపా నాయకులు కేతిరెడ్డి శివకుమార్ రెడ్డి, జగదీష్ రెడ్డి, కృష్ణారెడ్డి, పరసు మాల్యాద్రి, వెంకటరామిరెడ్డి, తదితరులు పాల్గొన్నారు.