చిరుతసంచారంతో గ్రామస్తుల బెంబేలు

కుందుర్పి మండలపరిధిలోని బొమ్మాజిపల్లి-బికొత్తూరు గ్రామాలమధ్య ప్రధానరహదారిపై మంగళవారం రాత్రిచిరుత సంచరించడంతో రైతులు, గ్రామస్తులు తీవ్ర భయాందోళనకు గురయ్యారు.బసాపురం గ్రామానికి చెందిన పలువురు యువకులు మంగళవారం సాయంత్రం ద్విచక్ర వాహనంలో మండలకేంద్రానికి చేరుకుని వారి పనిముగించుకుని తిరుగు రాత్రి ప్రయాణమయ్యారు. బికొత్తూరు సమీపంలోకి రాగానే ఓచిరుత రోడ్డుపై ఎదురుగా వస్తూ,ద్విచక్ర వాహనం ఫోకసింగ్ లైట్ల వెలుతురుకు ఆగింది.యువకులు అప్రమత్తమై చరవాణిలో చిత్రీకరించారు. వెంటనే సమీప గ్రామస్తులకు, పొలాల్లోని రైతులకు సమాచారం చేరవేశారు.జాగ్రత్తగా ఉండాలంటూ సమీపంలోని గ్రామాలప్రజలను అప్రమత్తం చేశారు. రాత్రిపూట చిరుత సంచారంతో పొలాల వద్ద ఉంటున్న రైతులు తీవ్ర భయాందోళనకు గురైనట్లు తెలిపారు.అటవీశాఖ అధికారులు చర్యలు తీసుకుని చిరుతను బంధించాలని రైతులు కోరుతున్నారు.            *రాజు సూర్యరిపోర్టర్ కుందుర్పి*