చిన్నారుల ఆరోగ్య పరిరక్షణే ప్రభుత్వ ముఖ్య ఉద్దేశ్యం -రాష్ట్ర మైనారిటీ మరియు న్యాయ శాఖ మంత్రి ఎన్ఎండి ఫరూక్

-అంగన్ వాడీ కేంద్రాన్ని ఆకస్మికంగా తనిఖీ చేసిన రాష్ట్ర మంత్రి ఎన్ఎండి ఫరూక్

-, బాలింతలు, పిల్లలకు పౌష్టికాహారం సక్రమంగా అందించాలి

-చిన్నారులకు నాణ్యమైన విద్య, వికాసానికి కృషి చేయాలి

-విధుల పట్ల నిర్లక్ష్యం వహిస్తే కఠిన చర్యలు తప్పవు : మంత్రి ఎన్ఎండి ఫరూక్
నంద్యాల అర్బన్:

ఆంధ్రప్రదేశ్ రాష్ట్ర న్యాయ మరియు మైనార్టీ సంక్షేమ శాఖ మంత్రివర్యులు ఎన్ఎండి ఫరూక్ నంద్యాల అర్బన్ పరిధిలోని పాన్ పట్టి ఏరియాలో ఉన్న 20 వ నెంబర్ అంగన్ వాడీ కేంద్రాన్ని శుక్రవారం ఆకస్మికంగా తనిఖీ చేశారు. ఈ తనిఖీ సందర్భంగా మంత్రివర్యులు ఎన్ఎండి ఫరూక్ అంగన్ వాడీ కేంద్రంలోని రిజిస్టర్లను, హాజరు పట్టికను స్వయంగా పరిశీలించారు. కేంద్రంలో చిన్నారులకు అందుతున్న పౌష్టికాహారం నాణ్యత, పంపిణీ వివరాలపై ఆరా తీశారు. ఈ సందర్భంగా మంత్రి ఎన్ఎండి ఫరూక్ మాట్లాడుతూ గర్భిణులు, బాలింతలు మరియు చిన్నారుల ఆరోగ్య పరిరక్షణే ప్రభుత్వ ముఖ్య ఉద్దేశమని తెలిపారు. ప్రభుత్వ నిబంధనల ప్రకారం ప్రతీ ఒక్కరికీ పౌష్టికాహారం సక్రమంగా అందాలని, కేంద్రాల నిర్వహణలో ఎలాంటి అలసత్వం వహించకూడదని స్పష్టం చేశారు. పరిసరాల పరిశుభ్రతకు ప్రాధాన్యత ఇవ్వాలని సూచించారు. విధుల నిర్వహణలో నిర్లక్ష్యం వహిస్తే సంబంధిత సిబ్బందిపై చట్టపరమైన, శాఖాపరమైన కఠిన చర్యలు ఉంటాయని హెచ్చరించారు. ఈ కార్యక్రమంలో నీటి సంఘాల చైర్మన్ చాబోలు ఇలియాజ్ , ఎన్టీఆర్ షాది ఖానా చైర్మన్ అక్బర్ , రాజేష్ (బుజ్జి) , ఉస్మాన్ తదితరులు పాల్గొన్నారు.