అన్న సమారాధన కార్యక్రమాన్ని ప్రారంభించిన కొవ్వలి ఫౌండేషన్ చైర్మన్ నాయుడు

అన్న సమారాధన ప్రారంభించిన కొవ్వలి ఫౌండేషన్ చైర్మన్ నాయుడు
నరసాపురం, మేజర్ న్యూస్ :
పట్టణంలోని 6వ వార్డు కోవెల గుడి వద్ద ఏర్పాటు చేసిన శ్రీశ్రీశ్రీ గణపతి నవరాత్రి 20వ వార్షికోత్సవ మహోత్సవాలు అత్యంత వైభవంగా ముగింపు దశకు చేరుకున్నాయి. ఈ ఉత్సవాల ముగింపు సందర్భంగా శనివారం నిర్వహించిన అఖండ అన్న సమారాధన కార్యక్రమానికి కొవ్వలి ఫౌండేషన్ చైర్మన్, తెలుగుదేశం పార్టీ రాష్ట్ర సీనియర్ నాయకులు  కొవ్వలి యతిరాజ రామ్మోహన్ నాయుడు  ముఖ్య అతిథిగా విచ్చేశారు.
​ఆలయ ప్రాంగణంలో ప్రత్యేక పూజలు నిర్వహించిన అనంతరం,  కొవ్వలి రామ్మోహన్ నాయుడు చేతుల మీదుగా అఖండ అన్న సమారాధన కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూవిఘ్నాలు తొలగించే వినాయకుడి కృపాకటాక్షాలతో ప్రజలంతా సుఖసంతోషాలతో, ఆయురారోగ్యాలతో వర్ధిల్లాలని ఆకాంక్షించారు. గత 20 సంవత్సరాలుగా కమిటీ సభ్యులు అత్యంత భక్తిశ్రద్ధలతో వార్షికోత్సవాలు, అన్నదాన కార్యక్రమాలు నిర్వహించడం ఎంతో అభినందనీయమని కొనియాడారు.
​ఈ కార్యక్రమంలో కొవ్వలి ఫాలోవర్స్, ఉత్సవ కమిటీ నిర్వాహకులు, స్థానిక నాయకులు, కార్యకర్తలు పెద్ద సంఖ్యలో భక్తులు పాల్గొని అన్నప్రసాదాన్ని స్వీకరించారు.