బ్రహ్మాసముద్రం ప్రచారంలో దూసుకుపోతున్న వైఎస్ఆర్సిపి జడ్పిటిసి అభ్యర్థి...

బ్రహ్మాసముద్ర :- జగనన్న ఆశీస్సులతో, కళ్యాణదుర్గం నియోజకవర్గ వైఎస్సార్‌సీపీ సమన్వయకర్త, మాజీ ఎంపీ డాక్టర్ తలారి రంగయ్య నాయకత్వంలో పడమటి కోడిపల్లి పంచాయతీ పరిధిలో వైఎస్సార్ కాంగ్రెస్ పార్టీ ఎన్నికల ప్రచారం ఉత్సాహభరితంగా సాగింది. పడమటి కోడిపల్లి, గొల్లలదొడ్డి గ్రామాల్లో నిర్వహించిన ఎన్నికల ప్రచార కార్యక్రమానికి మాజీ ఎంపీ డాక్టర్ తలారి రంగయ్య తనయుడు సాయి హర్ష హాజరుకావడంతో పార్టీ నాయకులు, కార్యకర్తలు ఘన స్వాగతం పలికారు. జడ్పీటీసీ అభ్యర్థి పాలబండ్ల చంద్రశేఖర్ రెడ్డి, ఎంపీటీసీ అభ్యర్థి బెస్తరపల్లి మల్లికా బాబు ఆధ్వర్యంలో జరిగిన ప్రచార కార్యక్రమంలో వైఎస్సార్‌సీపీ శ్రేణులు పెద్ద సంఖ్యలో పాల్గొని గ్రామాల్లో రాజకీయ సందడి నెలకొల్పారు. ఈ సందర్భంగా నాయకులు, కార్యకర్తలు ఇంటింటికీ వెళ్లి ప్రజలను కలుసుకుంటూ పార్టీ అభ్యర్థులకు మద్దతు ఇవ్వాలని అభ్యర్థించారు. వైఎస్సార్‌సీపీ అమలు చేసిన సంక్షేమ పథకాలు, ప్రజా సమస్యలపై పార్టీ పోరాటం, గ్రామీణ ప్రాంతాల అభివృద్ధికి చేపట్టిన కార్యక్రమాలను ప్రజలకు వివరిస్తూ ఎన్నికల ప్రచారాన్ని ముందుకు తీసుకెళ్లారు. జడ్పీటీసీ, ఎంపీటీసీ అభ్యర్థులు పాలబండ్ల చంద్రశేఖర్ రెడ్డి, బెస్తరపల్లి మల్లికా బాబు మాట్లాడుతూ ప్రజల ఆశీస్సులు, కార్యకర్తల సహకారంతో ఎన్నికల బరిలో నిలిచామని, గ్రామాల అభివృద్ధి, ప్రజా సమస్యల పరిష్కారమే తమ ప్రధాన లక్ష్యమని పేర్కొన్నారు. రానున్న ఎన్నికల్లో ఫ్యాన్ గుర్తుపై ఓటు వేసి తమను అత్యధిక మెజారిటీతో గెలిపించాలని ఓటర్లను కోరారు. గ్రామాల్లో ప్రజలను నేరుగా కలుసుకుంటూ వారి సమస్యలు, అవసరాలను తెలుసుకోవడం ద్వారా ప్రజలకు మరింత చేరువయ్యే ప్రయత్నం చేశారు. సాయి హర్ష పర్యటనతో పార్టీ శ్రేణుల్లో మరింత ఉత్సాహం కనిపించగా, యువత, మహిళలు, వివిధ అనుబంధ సంఘాల నాయకులు, కార్యకర్తలు ప్రచారంలో చురుగ్గా పాల్గొన్నారు. గ్రామాల్లో నాయకులు, కార్యకర్తల సమన్వయంతో ప్రచార కార్యక్రమం కొనసాగింది. ప్రతి ఓటరును కలుసుకుని పార్టీ అభ్యర్థుల విజయానికి కృషి చేయాలనే లక్ష్యంతో వైఎస్సార్‌సీపీ శ్రేణులు ముందుకు సాగాయి. తలారి రంగయ్య నాయకత్వంలో సాగుతున్న ఈ ప్రచార కార్యక్రమం పడమటి కోడిపల్లి పంచాయతీలో పార్టీ శ్రేణులకు కొత్త ఉత్సాహాన్ని అందించింది. గ్రామాల అభివృద్ధి, ప్రజల సంక్షేమం అనే నినాదంతో అభ్యర్థులు ప్రజల మద్దతు కోరుతూ ఎన్నికల ప్రచారాన్ని మరింత వేగవంతం చేశారు.

కళ్యాణదుర్గం టౌన్ రిపోర్టర్ :- బోయ రంగస్వామి.