జాహ్నవి రెడ్డిని భారీ మెజార్టీతో గెలిపించాలి

• సైకిల్ గుర్తుకు ఓటు వేయాలని ఓటర్లకు ఎంపీపీ పువ్వాడి పిలుపు

పామూరు, మేజర్ న్యూస్ : జెడ్పీటీసీ ఎన్నికల్లో టీడీపీ అభ్యర్థి బైరెడ్డి జాహ్నవి రెడ్డిని భారీ మెజార్టీతో గెలిపించాలని పామూరు మండల ఎంపీపీ పువ్వాడి వెంకటేశ్వర్లు ఓటర్లను కోరారు. ఐదో తేదీన జరిగే జెడ్పీటీసీ ఎన్నికలను పురస్కరించుకుని నుచ్చుపొద మాజీ సర్పంచ్ గోళ్ళ వెంకటేశ్వర్లు ఆధ్వర్యంలో శుక్రవారం  ఎన్నికల ప్రచార కార్యక్రమం నిర్వహించారు. ఈ కార్యక్రమానికి ఎంపీపీ పువ్వాడి వెంకటేశ్వర్లు హాజరై గ్రామంలో టీడీపీ నాయకులతో కలిసి ప్రచారం నిర్వహించారు. జెడ్పీటీసీ అభ్యర్థి బైరెడ్డి జాహ్నవి రెడ్డికి సైకిల్ గుర్తుపై ఓటు వేసి భారీ మెజార్టీతో గెలిపించాలని ఓటర్లను అభ్యర్థించారు. ఈ కార్యక్రమంలో టీడీపీ మండల అధ్యక్షుడు బొల్లా నరసింహారావు, టీడీపీ నాయకులు పువ్వాడి వెంకటేశ్వర్లు (బిల్డర్), ఆరెకొండ హరిప్రసాద్, హనీఫ్, కాజా రహమతుల్లా, మెడబలిమి నారాయణ, సూర్యప్రకాశ్, కాటం నాగరత్తమ్మ తదితరులు పాల్గొన్నారు.