మండల అభివృద్ధికి అవకాశం ఇవ్వండి! జడ్పీటీసీ అభ్యర్థి చంద్రకళ రెడ్డి శేఖర్ విజ్ఞప్తి

ములకలచెరువు మేజర్ న్యూస్: అన్నమయ్య జిల్లా ములకలచెరువు మండలం వైకాపా జడ్పిటిసి అభ్యర్థిగా గెలిపించి మండల అభివృద్ధికి తోడ్పాటు అందించాలని, ములకలచెరువు మండల జడ్పిటిసి వైకాపా అభ్యర్థి గుమ్మినాయిని చంద్రకళ రెడ్డి శేఖర్లు ఓటర్లను కోరారు. ములకలచెరువు మండలంలోని బురకాయలకోట, వేపురుకోట, దేవుల చెరువు గ్రామపంచాయతీలలో వైకాపా పార్టీ నాయకులతో కలసి ప్రచారం నిర్వహించారు. ఈ సందర్భంగా ఓటర్లకు కరపత్రాలు అందిస్తూ వైకాపా పార్టీ జడ్పిటిసి అభ్యర్థిగా తనకు ఓట్లు వేసి గెలిపించాలని ఓటర్లను అభ్యర్థించారు. ఈ ప్రచార కార్యక్రమంలో వైయస్సార్సీపి రాష్ట్ర సంయుక్త కార్యదర్శి ఆముదాల మధుసూదన్ రెడ్డి, మాజీ సర్పంచ్ రవి శేఖర్ రెడ్డి, మాజీ సర్పంచ్ రాంబాబు నాయుడు,బావ ఫక్రుద్దీన్, జిల్లా రైతు విభాగ కార్యదర్శి మల్లికార్జున్ రెడ్డి, వైఎస్ఆర్సిపి ప్రచారకర్త కులదీప్ రెడ్డి,రెడ్డెం రామకృష్ణారెడ్డి, నాగిరెడ్డి, డాక్టర్ విశ్వనాథ్, చాంద్ భాషా, యాసిన్,సుందర్ రాజు, నాగేంద్ర తదితరులు పాల్గొన్నారు.
రిపోర్టర్: గౌరీ శంకర్, ములకలచెరువు, అన్నమయ్య జిల్లా.