బీసీలకు వెన్నుపోటు పొడిచిన చంద్రబాబు

బీసీ రిజర్వేషన్ల విషయంలో చంద్రబాబు కుట్ర

బీసీలకు  వెన్నుపోటు పొడిచిన చంద్రబాబు

హైకోర్టు సాక్షిగా బట్టబయలు

రాష్ట్ర బీసీ సెల్ వైస్ ప్రెసిడెంట్ డాక్టర్ వరప్రసాద్

పులివెందుల మేజర్ న్యూస్ :

బీసీల రిజర్వేషన్ విషయంలో చంద్రబాబు నాయుడు కుట్ర చేశారని, బీసీలకు చంద్రబాబు నాయుడు వెన్నుపోటు పొడిచారని
బీసీ రిజర్వేషన్ల విషయంలో చంద్రబాబు ప్రభుత్వం అనుసరించిన విధానం ఇప్పుడు హైకోర్టు తీర్పుతో బట్టబయలైందని రాష్ట్ర బీసీ సెల్ వైస్ ప్రెసిడెంట్, మాజీ చైర్మన్ డాక్టర్ వరప్రసాద్, మాజీ కోఆప్షన్ నెంబర్ దాసరి చంద్రమౌళి, వల్లెపు శ్రవణ్ లు అన్నారు. గురువారం పాత ఎమ్మెల్యే కార్యాలయం వద్ద వారు విలేకరులతో మాట్లాడుతూ బీసీలకు 34 శాతం రిజర్వేషన్లు కల్పిస్తున్నామని గొప్పగా చెప్పిన ప్రభుత్వం ఆ రిజర్వేషన్లను చట్టబద్ధంగా, రాజ్యాంగబద్ధంగా అమలు చేసే విషయంలో ఎందుకు విఫలమైందో సమాధానం చెప్పాలని ఆయన డిమాండ్ చేశారు.బీసీలకు నిజంగా న్యాయం చేయాలనే చిత్తశుద్ధి చంద్రబాబు ప్రభుత్వానికి ఉంటే..  స్థానిక సంస్థల ఎన్నికల్లో బీసీలకు పెద్దపీట వేస్తున్నామని చెప్పి.. చివరకు న్యాయపరమైన చిక్కులు తలెత్తేలా వ్యవహరించడం బీసీ వర్గాలకు తీవ్ర అన్యాయం చేయడమేనని ఆయన అన్నారు.బీసీ రిజర్వేషన్ల విషయంలో చంద్రబాబు ప్రభుత్వం అనుసరిస్తున్న విధానంపై వైయస్ జగన్మోహన్ రెడ్డి  ఆనాడే స్పష్టంగా హెచ్చరించారని ఆయన గుర్తు చేశారు. కూటమి ప్రభుత్వం బీసీలను కేవలం ఓటు బ్యాంకుగా మాత్రమే చూస్తుందన్నారు. బీసీలకు న్యాయం జరిగేంత వరకు వైకాపా పార్టీ ఆధ్వర్యంలో పోరాటం చేస్తామన్నారు. బీసీల ఓట్లతో గద్దెనెక్కిన చంద్రబాబు నాయుడు బీసీలను చిన్నచూపు చూడడం మంచి పద్ధతి కాదన్నారు. ఏ బీసీలను అయితే విస్మరిస్తున్నావో ఆ బీసీలే నిన్ను మళ్లీ గద్దె దింపేందుకు సిద్ధమవుతారన్నారు. ఇప్పటికైనా బీసీలకు న్యాయం జరిగే విధంగా చూడాలని ఆయన డిమాండ్ చేశారు.