బాలల దినోత్సవ వేడుకలు ఘనంగా నిర్వహించిన శ్రీ సుధ హైస్కూల్

డోన్,  మేజర్ న్యూస్:భారత తొలి ప్రధానమంత్రి పండిట్ జవహర్‌లాల్ నెహ్రూ జయంతిని పురస్కరించుకుని, డోన్‌లోని శ్రీ సుధ హైస్కూల్‌లో శుక్రవారం బాలల దినోత్సవ వేడుకలను ఘనంగా నిర్వహించారు. ఈ సందర్భంగా విద్యార్థుల కోసం వివిధ సాంస్కృతిక, వినోద కార్యక్రమాలు, ఆటల పోటీలు ఏర్పాటు చేయగా చిన్నారులు ఎంతో ఉత్సాహంగా పాల్గొని తమ ప్రతిభను చాటుకున్నారు.కార్యక్రమాన్ని ఉద్దేశించి పాఠశాల కరస్పాండెంట్ వేణుగోపాల్ మాట్లాడుతూ.. పిల్లలే దేశ భవిష్యత్తు అని, విద్యార్థులు చదువుతో పాటు క్రీడలు, క్రమశిక్షణ, మంచి నడవడిక, సామాజిక బాధ్యతలను అలవర్చుకోవాలని సూచించారు. శనివారం (నవంబర్ 14) నెహ్రూ జయంతిని పురస్కరించుకుని, ఆయన ఆశయాలకు అనుగుణంగా ఉన్నత లక్ష్యాలను ఏర్పరచుకుని కష్టపడి చదివి దేశానికి ఉత్తమ పౌరులుగా ఎదగాలని ఆకాంక్షించారు. అనంతరం పాఠశాల యాజమాన్యం విద్యార్థులందరికీ బాలల దినోత్సవ శుభాకాంక్షలు తెలియజేసింది. కార్యక్రమంలో పాఠశాల చైర్మన్ సుదర్శన్, డైరెక్టర్లు రాజా సుధాకర్ గుప్తా, కరణం సూర్యనారాయణ, ప్రధానోపాధ్యాయురాలు మేరీ చార్లెస్, వైస్ ప్రిన్సిపల్ షమీనా, ఉపాధ్యాయులు, విద్యార్థులు పాల్గొన్నారు.