అనంత ఆర్ట్స్ కళాశాలలో ఘనంగా ఉపాధ్యాయ దినోత్సవం

(మల్లికార్జున నేటి దినపత్రిక సూర్య స్టాఫ్ రిపోర్టర్)

అనంతపురం ప్రభుత్వ కళాశాల (స్వయంప్రతిపత్తి)లో ఎన్‌ఎస్‌ఎస్‌ యూనిట్ల ఆధ్వర్యంలో అంతర్జాతీయ ఉపాధ్యాయ దినోత్సవాన్ని సోమవారం ఘనంగా నిర్వహించారు. వైస్‌ ప్రిన్సిపాల్ రామావత్ శ్రీరాములు అధ్యక్షత వహించారు.
ఈ సందర్భంగా ఆయన మాట్లాడుతూ.. విద్యార్థుల జీవితంలో ఉపాధ్యాయుల పాత్ర కీలకమని, పాఠ్య బోధనతో పాటు నైతిక విలువలు, క్రమశిక్షణ, సామాజిక బాధ్యత, నాయకత్వ లక్షణాలను పెంపొందిస్తారని అన్నారు. 2026 అంతర్జాతీయ ఉపాధ్యాయ దినోత్సవ థీమ్‌కు అనుగుణంగా ఉపాధ్యాయ వృత్తి గౌరవాన్ని కాపాడాల్సిన బాధ్యత సమాజంపై ఉందన్నారు.
ఎన్‌ఎస్‌ఎస్‌ ప్రోగ్రామ్‌ ఆఫీసర్లు డా. బి. నాగభూషణం, డా. డి.సి. సుగప్ప, డా. బి. గోపాల్‌ నాయక్‌ మాట్లాడుతూ.. విజ్ఞాన సమాజ నిర్మాణంలో ఉపాధ్యాయుల సేవలు అనన్యసామాన్యమని తెలిపారు. కార్యక్రమంలో అధ్యాపకులు, ఎన్‌ఎస్‌ఎస్‌ వాలంటీర్లు, విద్యార్థులు పాల్గొన్నారు.