విద్యార్థులు చెడు వ్యసనాలకు దూరంగా ఉండాలి ఆకివీడు సీఐ కాళీచరణ్

ఉండి, మేజర్ న్యూస్: విద్యార్థులు చెడు వ్యసనాలకు దూరంగా ఉంటూ తమ భవిష్యత్తుకు బంగారు బాటలు వేసుకోవాలని ఆకివీడు సీఐ కాళీ చరణ్ అన్నారు. సోమవారం ఉండి జిల్లా పరిషత్ హై స్కూల్లో ఉండి ఎస్సై మల్లికార్జున రావు తో కలిసి విద్యార్థులకు డ్రగ్స్ దుర్వినియోగం వల్ల కలిగే నష్టాలను పోక్సో చట్టంపై అవగాహన బాలికల రక్షణ అత్యవసర పరిస్థితుల్లో సంప్రదించవలసిన వ్యక్తుల గురించి చెడు వ్యసనాల వల్ల కలిగే దుష్పరిణామాలను విద్యార్థులకు వివరించడం జరిగింది. ప్రతి విద్యార్థి చెడు వ్యసనాలకు దూరంగా ఉంటూ చదువుపై శ్రద్ధ చూపాలని తద్వారా భవిష్యత్తు మెరుగుపడుతుందని వారు తెలిపారు. ఈ కార్యక్రమంలో ప్రధానోపాధ్యాయురాలు రామలక్ష్మి, హై స్కూల్ ఉపాధ్యాయులు మరియు సిబ్బంది, విద్యార్థులు పాల్గొన్నారు.

 ఉండి రిపోర్టర్ రాజు