అంతర్జాతీయ సదస్సు బ్రోచర్ ఆవిష్కరణ

ఎడ్యుకేషన్ స్టాఫ్ రిపోర్టర్ : పద్మావతి మహిళా వర్సిటీ బయోటెక్నాలజీ విభాగం, తెలంగాణ మహబూబ్‌నగర్ పాలమూరు విశ్వవిద్యాలయం మైక్రో బయాలజీ విభాగం సంయుక్త ఆధ్వర్యంలో  బయోమైక్రో ఫ్రాంటియర్స్ -2026 ఎమర్జింగ్ టెక్నాలజీస్ అండ్ ఇన్నోవేషన్స్ ఇన్ బయోటెక్నాలజీ అండ్ మైక్రోబయాలజీ ఫర్ సస్టైనబిలిటీ" అనే అంశంపై డిసెంబర్ 17, 18 తేదీలలో అంతర్జాతీయ సదస్సును హైబ్రిడ్ విధానంలో నిర్వహించనున్నారు. ఈ మేరకు శుక్రవారం సదస్సుకు సంబంధించిన బ్రోచర్‌ను వర్సిటీ ఉపకులపతి ఆచార్య వి.ఉమ, రిజిస్ట్రార్ ఆచార్య ఆర్.ఉష ఆవిష్కరించారు. బయోటెక్నాలజీ, మైక్రోబయాలజీ రంగాలలో అభివృద్ధి చెందుతున్న ఆధునిక సాంకేతిక పరిజ్ఞానం, నూతన ఆవిష్కరణలు, పరిశోధన ఫలితాలు, వాటి అనువర్తనాలపై శాస్త్రవేత్తలు, అధ్యాపకులు, పరిశోధకులు, పారిశ్రామిక నిపుణులు, విద్యార్థులు తమ ఆలోచనలను పంచుకునేందుకు అంతర్జాతీయ వేదికను కల్పించడమే ఈ సదస్సు ముఖ్య ఉద్దేశమని పేర్కొన్నారు. ప్రొఫెసర్ బి.కిషోరి, బయోటెక్నాలజీ విభాగ అధిపతి సదస్సు కన్వీనర్, ప్రొఫెసర్ పి.జోత్స్న, ప్రొఫెసర్ ఎన్. జాన్ సుష్మ, ఒప్పంద అధ్యాపకులు పాల్గొన్నారు.

సీఎం గౌడ్ తిరుపతి స్టాప్ రిపోర్టర్