- అభిమాని కోసం వర్షంలోనూ కదిలిన ఎమ్మెల్యే.. కావలిలో ఘనంగా డేగ చంద్ర పుట్టినరోజు వేడుకలు..!

​కావలి,మేజర్ న్యూస్   ఎన్నికల బిజీ వేళ... జోరున కురుస్తున్న వర్షాన్ని సైతం లెక్కచేయకుండా ఎమ్మెల్యే తన అభిమానిపై ఉన్న ప్రేమను చాటుకున్నారు. కావలి పట్టణంలోని వైకుంఠపురానికి చెందిన డేగ చంద్ర పుట్టినరోజు వేడుకల్లో కావలి ఎమ్మెల్యే కావ్య కృష్ణారెడ్డి స్వయంగా పాల్గొని అందరినీ ఆశ్చర్యపరిచారు.
​ఒకవైపు ఎన్నికల బిజీ షెడ్యూల్ ఉన్నప్పటికీ, తనను ఎంతగానో ఆదరించే ఒక సామాన్య అభిమాని పుట్టినరోజు వేడుకల గురించి తెలిసి ఎమ్మెల్యే స్వయంగా ఆ ప్రాంతానికి వెళ్లారు. అదే సమయంలో జోరు వర్షం కురుస్తున్నప్పటికీ, వర్షాన్ని సైతం లెక్కచేయకుండా వేడుక జరిగే ప్రాంతానికి చేరుకున్నారు.​అక్కడ డేగ చంద్రతో కేక్ కట్ చేయించి, అతనికి జన్మదిన శుభాకాంక్షలు తెలిపారు.నాయకుడు, కార్యకర్త లేదా అభిమాని మధ్య ఉండాల్సిన అనుబంధానికి ఇదే నిదర్శనమంటూ స్థానికులు, పార్టీ శ్రేణులు ఎమ్మెల్యే గారి సాదాసీదా తనాన్ని,
అభిమానాన్ని కొనియాడారు. ఈ కార్యక్రమంలో స్థానిక నాయకులు మరియు అభిమానులు పెద్ద సంఖ్యలో పాల్గొన్నారు