ఆత్రేయపురంలో కోలాహలంగా నామినేషన్

నేటి దినపత్రిక సూర్య బ్యూరో రాజమహేంద్రవరం ఎన్నికలకు గడువు ముగియడంతో శుక్రవారం కోలాహాలంగా నామినేషన్లు పర్వం ముగిసింది. మండల పరిధిలోని 17 గ్రామాల నుంచి 20 ఎంపిటిసి స్థానాలకు  రాష్ట్ర ఎన్నికల సంఘం నోటిఫికేషన్ విడుదల చేయడంతో ఈ నెల 21 నుండి ఆత్రేయపురం మండల ప్రజా పరిషత్ కార్యాలయంలో ఎన్నికల రిటర్నింగ్ అధికారులు  వివిధ పార్టీల అభ్యర్థి నుంచి నామినేషన్ లు స్వికరించారు. శుక్రవారం నామినేషన్లు గడువు పూర్తి కావడంతో వివిధ పార్టీ నుంచి 105 నామినేషన్లు అందినట్లు ఎన్నికల రిటర్నింగ్ అధికారి రుద్ర ఎంపీడీవో పివిఆర్ కే రాజు తాసిల్దార్ శ్రీ రామచంద్ర మూర్తి లు  తెలిపారు. తెలుగుదేశం పార్టీ నుంచి 37 నామినేషన్లు, వైఎస్ఆర్సిపి పార్టీ నుంచి 52, జనసేన పార్టీ నుంచి 8, ఇండిపెండెంట్లు 5 బిజెపి పార్టీ నుంచి 1 బి ఎస్ పి 2 నామినేషన్ అందించినట్లు ఎన్నికల రిటర్నింగ్ అధికారులు తెలిపారు