ఆశీర్వాద దీపం వెలిగించిన ఎమ్మెల్యే

 అనపర్తి మేజర్ న్యూస్.: ప్రధాని నరేంద్ర మోదీ ప్రజా జీవితంలో 25 సంవత్సరాలు పూర్తి చేసుకున్న సందర్భంగా సెప్టెంబర్‌ 17 నుంచి అక్టోబర్‌ 17 వరకు నిర్వహిస్తున్న  సేవా సంకల్ప్‌ అభియాన్‌ లో భాగంగా రాజమహేంద్రవరం ఎయిర్‌పోర్టు వద్ద ‘ఆశీర్వాద దీపం’ను వెలిగించారు. అనపర్తి ఎమ్మెల్యే నల్లమిల్లి రామకృష్ణారెడ్డి, తూర్పుగోదావరి జిల్లా టీడీపీ అధ్యక్షుడు, రూడా చైర్మన్‌ బొడ్డు వెంకటరమణ చౌదరి, బీజేపీ సీనియర్‌ నాయకులు ఏపీఆర్‌ చౌదరి, వీరన్న చౌదరి పాల్గొన్నారు.ఈ సందర్భంగా ఎమ్మెల్యే నల్లమిల్లి రామకృష్ణారెడ్డి మాట్లాడుతూ ప్రధాని నరేంద్ర మోదీ జన్మదినాన్ని పురస్కరించుకొని దేశవ్యాప్తంగా నెల రోజుల పాటు సేవా సంకల్ప్‌ అభియాన్‌ నిర్వహిస్తున్నట్లు తెలిపారు. కేంద్ర, రాష్ట్ర ప్రభుత్వాలతో పాటు ఎన్డీఏ కూటమి భాగస్వామ్య పక్షాలు ఈ కార్యక్రమంలో భాగస్వాములవుతున్నాయని చెప్పారు.ప్రజా సేవే పరమావధిగా భావిస్తూ మోదీ 25 ఏళ్లుగా ప్రజా జీవితంలో కొనసాగుతున్నారని పేర్కొన్నారు. ఈ సందర్భంగా రక్తదాన శిబిరాలు, ఉచిత వైద్య శిబిరాలు, స్వచ్ఛత కార్యక్రమాలు తదితర సేవా కార్యక్రమాలను నిర్వహిస్తున్నట్లు తెలిపారు. దేశ సమగ్రత, సార్వభౌమాధికారాన్ని కాపాడే సంకల్పంతో ‘సేవా దీపం’, ‘ఆశీర్వాద దీపం’ కార్యక్రమాలను నిర్వహిస్తున్నట్లు చెప్పారు. ప్రధాని మోదీకి జన్మదిన శుభాకాంక్షలు తెలిపిన నల్లమిల్లి, సేవా సంకల్ప్‌ అభియాన్‌ను విజయవంతం చేస్తున్న ఎన్డీఏ కూటమి నాయకులు, కార్యకర్తలకు కృతజ్ఞతలు తెలిపారు. కార్యక్రమంలో తూర్పుగోదావరి జిల్లా, రాజానగరం నియోజకవర్గ కూటమి నాయకులు, కార్యకర్తలు పాల్గొన్నారు.