andhrapradesh
ఆర్నబ్ తుఫాన్‌పై అప్రమత్తం
బాడంగి, అక్టోబరు 26 (మేజర్ న్యూస్): ఆర్నబ్ తుఫాన్ ప్రభావంతో భారీ వర్షాలు, ఈదురుగాలులు వీచే అవకాశం ఉన్నందున ప్రజలు అప్రమత్తంగా ఉండాలని తహసీల్దార్‌ కె. వరప్రసాద్‌, విద్యుత్‌ శాఖ అధికారి రమేష్, ఇరిగేషన్‌ ఏఈ హరి వేర్వేరుగా సూచించారు. లోతట్టు ప్రాంతాల ప్రజలు సురక్షిత ప్రాంతాలకు వెళ్లాలని, తెగిపడిన విద్యుత్‌ తీగలను తాకరాదని, చెరువులు, వాగులు, కాలువల వద్దకు వెళ్లవద్దని హెచ్చరించారు. చెరువుల నీటిమట్టాలను నిరంతరం పర్యవేక్షిస్తూ, ప్రమాదాలు జరగకుండా ముందస్తు చర్యలు తీసుకోవాలని సంబంధిత సిబ్బందిని ఆదేశించారు.
