పట్టభద్రులారా.. మీ భవిష్యత్తు కోసం ఓటు నమోదు చేసుకోండి: మాజీ బీసీ కమిషన్ సభ్యులు ఎన్. శుభ ప్రద్ పటేల్

వికారాబాద్ జిల్లా ప్రతినిధి, మేజర్ న్యూస్: పట్టభద్రులు తమ భవిష్యత్తును దృష్టిలో ఉంచుకుని ఓటు హక్కు నమోదు చేసుకోవాలని బీసీ కమిషన్ మాజీ సభ్యులు, న్యాయవాది, బీఆర్ఎస్ పార్టీ రాష్ట్ర నాయకులు ఎన్. శుభ ప్రద్ పటేల్ కోరారు. ప్రజాస్వామ్యంలో ఓటు హక్కు కీలకమని, అర్హులైన ప్రతి పట్టభద్రుడు ఓటరుగా నమోదు చేసుకుని తమ హక్కును వినియోగించుకోవాలని సూచించారు. పట్టభద్రుల సమస్యలను చట్టసభల్లో ప్రస్తావించేందుకు, తమ అభిప్రాయాలను ప్రజాస్వామ్యబద్ధంగా తెలియజేసేందుకు ఓటు హక్కు ఎంతో ప్రాధాన్యమని పేర్కొన్నారు. అర్హత కలిగిన పట్టభద్రులు ఓటు నమోదు ప్రక్రియపై అవగాహన పెంచుకుని, అవసరమైన పత్రాలతో దరఖాస్తు చేసుకోవాలని ఎన్. శుభ ప్రద్ పటేల్ పిలుపునిచ్చారు.