రెవెన్యూ సమస్యలకు దళారులను ఆశ్రయించవద్దు-రెవెన్యూ సమస్యల పరిష్కారానికి ప్రజలు నేరుగా సంప్రదించాలి-తహసిల్దార్ కే. రవికుమార్

మల్హర్‌, మేజర్ న్యూస్, రెవెన్యూ సమస్యల పరిష్కారం కోసం ప్రజలు దళారులను ఆశ్రయించవద్దని మల్హర్‌ తహసీల్దార్‌ కే. రవికుమార్‌ సూచించారు. భూ సంబంధిత సమస్యలు, పట్టాదారు పాస్‌ పుస్తకాలు, ఇతర రెవెన్యూ సేవల కోసం నేరుగా అధికారులను సంప్రదించాలని తెలిపారు.ప్రభుత్వ నిబంధనల ప్రకారం రెవెన్యూ సేవలను పారదర్శకంగా అందించేందుకు చర్యలు తీసుకుంటున్నామని పేర్కొన్నారు. రెవెన్యూ పనులు చేయిస్తామంటూ ఎవరైనా డబ్బులు డిమాండ్‌ చేస్తే వారి వివరాలతో సంబంధిత అధికారులకు ఫిర్యాదు చేయాలని సూచించారు.ప్రజలు మధ్యవర్తులను నమ్మి మోసపోవద్దని, తమ సమస్యలను అధికారుల దృష్టికి తీసుకువస్తే నిబంధనల ప్రకారం పరిష్కరించేందుకు చర్యలు తీసుకుంటామని తహసీల్దార్‌ రవికుమార్‌ స్పష్టం చేశారు.

రిపోర్టర్; ప్రభాకర్, మలహర్ , జయశంకర్ భూపాలపల్లి జిల్లా