ఆళ్లగడ్డ తెదేపా జెడ్పిటిసి పోరెడ్డి రాజశేఖర్ రెడ్డి ఘన విజయం

ఆళ్లగడ్డ మేజర్ న్యూస్: ఆళ్లగడ్డ మండల జెడ్పిటిసి అభ్యర్థిగా పో రెడ్డి రాజశేఖర్ రెడ్డి విజయం సాధించారు. శనివారం స్థానిక ఎద్దుల పాపము ప్రభుత్వం ఉన్నత పాఠశాలలో ఎంపీటీసీ జెడ్పిటిసి ఎన్నికల కౌంటింగ్ కార్యక్రమం జరిగింది. 18,605 ఓట్ల మెజార్టీతో ఆయన విజయం సాధించారు. ఎన్నికల అధికారుల చేతుల మీదుగా ఆయన డిక్లరేషన్ పత్రాన్ని అందుకున్నారు. ఈ సందర్భంగా ఆయన మాట్లాడుతూ తన విజయం రాష్ట్ర ముఖ్యమంత్రి నారా చంద్రబాబు నాయుడు, నారా లోకేష్ లకే అంకితం అన్నారు. ఆళ్లగడ్డ మండల ప్రజలకు రుణపడి ఉంటానని ఆయన స్పష్టం చేశారు. ఎమ్మెల్యే భూమా అఖిలప్రియ, సీనియర్ తాలూకా తెదేపానాయకులు భార్గవ రామ్ నాయుడు, తెదేపా యువ నాయకులు భూమా జగత్ విఖ్యాత్ రెడ్డి లకు కృతజ్ఞతలు తెలియజేశారు. అలాగే మండల తెదేపా నాయకులకు కార్యకర్తలకు, జనసైనికులకు బిజెపి కార్యకర్తలకు ఆయన కృతజ్ఞతలు తెలిపారు. తనపై నమ్మకం ఉంచి గెలిపించిన ఆళ్లగడ్డ మండల ప్రజల రుణం తీర్చుకుంటారని పో రెడ్డి రాజశేఖర్ రెడ్డి అన్నారు.ఆళ్లగడ్డ అభివృద్ధికి తన వంతు కృషి చేస్తానన్నారు. అత్యధిక మెజార్టీతో గెలిపించడం తన కెంతో ఆనందాన్ని ఇచ్చిందన్నారు.

శ్రీనివాస్ ఆళ్లగడ్డ నంద్యాల జిల్లా