అద్దంకి జెడ్పీటీసీ పీఠం కైవసం చేసుకున్న టీడీపీ. 7,650 ఓట్ల భారీ మెజారిటీతో ఘన విజయం సాధించిన మానం మురళీమోహన్ దాస్.

7,650 ఓట్ల భారీ మెజారిటీతో ఘన విజయం సాధించిన మానం మురళీమోహన్ దాస్. 

అద్దంకి జెడ్పీటీసీ ఎన్నికల్లో తెలుగుదేశం పార్టీ అభ్యర్థి మానం మురళి మోహన్ దాస్ సంచలన విజయం నమోదు చేశారు. మొత్తం ఐదు రౌండ్లు మరియు పోస్టల్ బ్యాలెట్ల లెక్కింపు ముగిసేసరికి ఆయన తన సమీప ప్రత్యర్థి, వైఎస్సార్ సీపీ అభ్యర్థి అవిశన ప్రభాకర్ రెడ్డిపై 7,650 ఓట్ల భారీ మెజారిటీతో స్పష్టమైన ఆధిక్యాన్ని సాధించి గెలుపొందారు. అద్దంకి మండలంలో మొత్తం 40,096 మంది ఓటర్లు ఉండగా 28,352 మంది ఓటర్లు తమ ఓటు హక్కును వినియోగించుకున్నారు. అందులో 27, 840 ఓట్లు చెల్లుబాటు కాగా, టిడిపికి 17,702 ఓట్లు, వైసీపీకి 10,052, ఆమ్ ఆద్మీ పార్టీ అభ్యర్థికి 86 ఓట్లు పోలయ్యాయి, నోటా కు 143 పోలవ్వగా, 369 ఓట్లు తిరస్కరణకు గురయ్యాయి. దీంతో వైసిపి అభ్యర్థి పై తెదేపా అభ్యర్థి మానం మురళీమోహన్ దాస్ 7,650 ఓట్ల భారీ మెజారిటీతో విజయం సాధించారు. మొదటి రౌండ్ నుంచి చివరి రౌండ్ వరకు, అలాగే పోస్టల్ బ్యాలెట్లలోనూ పూర్తి ఆధిపత్యం కనబరిచిన మానం మురళి మోహన్ దాస్ ఏకపక్ష విజయంతో అద్దంకి మండలంలోని టీడీపీ శ్రేణుల్లో సంబరాలు అంబరాన్నంటాయి.