జడ్పీటీసీ, ఎంపీటీసీ ఓట్ల లెక్కింపు కేంద్రాన్ని పరిశీలించిన జిల్లా కలెక్టర్, ఎస్పీ

పాలకొండ, సూర్య : ప్రభుత్వ డిగ్రీ కళాశాలలో నిర్వహిస్తున్న జడ్పీటీసీ, ఎంపీటీసీ ఎన్నికల ఓట్ల లెక్కింపు కార్యక్రమాన్ని జిల్లా కలెక్టర్, జిల్లా ఎన్నికల అధికారి డా ఎన్. ప్రభాకరరెడ్డి, జిల్లా ఎస్పీ మాధవరెడ్డి పరిశీలించారు. ఈ సందర్భంగా ఓట్ల లెక్కింపు ప్రక్రియ కొనసాగుతున్న తీరును, కౌంటింగ్ కేంద్రంలో ఏర్పాటు చేసిన ఏర్పాట్లను, భద్రతా చర్యలను అధికారులు పరిశీలించారు. ఎన్నికల నిబంధనలకు అనుగుణంగా ఓట్ల లెక్కింపు ప్రక్రియ పారదర్శకంగా, ప్రశాంతంగా నిర్వహించేలా సంబంధిత అధికారులకు సూచనలు చేశారు. ఓట్ల లెక్కింపు కేంద్రంలో విధులు నిర్వహిస్తున్న సిబ్బందితో మాట్లాడి, లెక్కింపు ప్రక్రియకు సంబంధించిన వివరాలను అడిగి తెలుసుకున్నారు. ఎలాంటి పొరపాట్లకు తావులేకుండా ఎన్నికల కమిషన్ మార్గదర్శకాలను పాటిస్తూ విధులు నిర్వహించాలని సూచించారు.ఈయన తో పాటు  సబ్ కలెక్టర్ స్వప్నిల్ పవార్ జగన్నాద్,డిఎస్పీ రాంబాబు, తహసీల్దార్ రాదాకృష్ణ మూర్తి, ఆర్ ఓ వైకుంఠరావు, ఎంపిడిఓ బొడ్డేపల్లి రామకృష్ణ,సిఐ ప్రసాదరావు, ఎస్సై వెంకన్న తదితరులు వున్నారు.