జడ్పిటిసిగా టిడిపి అభ్యర్థి వెంకటమ్మ ఘన విజయం

గరుగుబిల్లి, సూర్య : స్థానిక సంస్థల ఎన్నికల్లో అధికార కూటమి పార్టీ తన జనాదరణను మరోసారి నిరూపించుకుంది. తెలుగుదేశం పార్టీ తరుపున జడ్పిటిసి అభ్యర్థిగా పోటీ చేసిన కారాడ వెంకటమ్మ విజయం సాధించారు.ఈ మేరకు శనివారం జడ్పిటిసి ఎన్నికలకు సంబంధించి జరిగిన కౌంటింగ్ ప్రక్రియలో గరుగుబిల్లి మండల జడ్పిటిసి అభ్యర్థిగా పోటీ చేసిన కారాడ వెంకటమ్మ 5,495 ఓట్లు మెజార్టీతో ఘన విజయం సాధించారు.కౌంటింగ్ కేంద్రం నుండి అధికారికంగా ఫలితం వెలువడగానే తెలుగుదేశం పార్టీ శ్రేణులు, నాయకులు, మరియు అభిమానులు పెద్ద ఎత్తున సంబరాలు నిర్వహించుకున్నారు.
ఈ విజయప్రస్థానంపై గెలుపొందిన జడ్పిటిసి అభ్యర్థి మాట్లాడుతూ ఈవిజయం తనది కాదని, మండలాభివృద్ధిని కాంక్షించి ఓట్లేసిన ఓటర్లదేనని పేర్కొన్నారు.పార్టీ అధిష్టానానికి, తన విజయం కోసం కష్టపడిన నాయకులు మరియు కార్యకర్తలకు ప్రత్యేక కృతజ్ఞతలు తెలిపారు. రాబోయే రోజుల్లో మండలాన్ని అన్ని రంగాల్లో ముందంజలో ఉంచుతానని, ప్రజా సమస్యల పరిష్కారమే ధ్యేయంగా పనిచేస్తానని హామీ ఇచ్చారు. మండల జడ్పిటిసి అభ్యర్థిగా కారాడ వెంకటమ్మ విజయం సాధించడం పట్ల మాజీ ఎంపీపీ ఉరిటి రామారావు, ఎంపీపీ అభ్యర్థి మరడాన నారాయణస్వామి, రాష్ట్ర టిడిపి నాయకులు మరడాన తవిటినాయుడు, తెలుగుదేశం పార్టీ నాయకులు అక్కేన మధుసూదనరావు,అంబటి తవిటినాయుడు(రాంబాబు) తదితరులు హర్షం వ్యక్తం చేశారు.మండల జడ్పిటిసి అభ్యర్థిగా గెలుపొందిన కారాడ వెంకటమ్మకు మండల రిటర్నింగ్ అధికారి ఎం వాణిశైలజ ధ్రువీకరణ పత్రమును అందజేశారు.ఈ కార్యక్రమంలో మండల ఉప ఎన్నికల అధికారులు నడిమింటి సూర్యనారాయణ, పాము బాల తదితరులు పాల్గొన్నారు.