37వ డివిజన్ జనసేన అభ్యర్థిగా కీర్తన యాదవ్ నామినేషన్ దాఖలు.. భారీ జనసందోహం మధ్య నామినేషన్ సమర్పణ.. తరలివచ్చిన అభిమానులు, డివిజన్ నాయకులు..

(అనంతపురము, కార్పొరేషన్ మేజర్ న్యూస్:)

అనంతపురం నగరపాలక సంస్థ సాధారణ ఎన్నికలు 2026 నేపథ్యంలో 37వ డివిజన్ జనసేన పార్టీ అభ్యర్థిగా కీర్తన యాదవ్ భారీ జనసందోహం మధ్య నామినేషన్ దాఖలు చేశారు. నామినేషన్ కార్యక్రమానికి అభిమానులు, పార్టీ నాయకులు, కార్యకర్తలు పెద్ద సంఖ్యలో తరలిరావడంతో సందడి నెలకొంది.కీర్తన యాదవ్ వెంట ఆమె భర్త దాడితోట సూరి, అభిమానులు, డివిజన్ నాయకులు పెద్ద సంఖ్యలో పాల్గొని ఆమెకు మద్దతుగా నిలిచారు. భారీ జనసందోహం మధ్య నామినేషన్ ప్రక్రియను పూర్తి చేయడంతో ఎన్నికల వాతావరణం మరింత వేడెక్కింది.అనంతపురం నగరపాలక సంస్థ ఎన్నికల నేపథ్యంలో వివిధ రాజకీయ పార్టీల అభ్యర్థులు నామినేషన్లు దాఖలు చేస్తుండగా, 37వ డివిజన్‌లో జనసేన అభ్యర్థిగా కీర్తన యాదవ్ బరిలో నిలవడం స్థానికంగా రాజకీయ ఆసక్తిని పెంచింది. రానున్న ఎన్నికల్లో అభ్యర్థులు ప్రజల మద్దతు కూడగట్టేందుకు ప్రచారానికి సిద్ధమవుతున్నారు.