27 మంది దళితుల మృతిపై ఎస్ఐటీ విచారణ జరపాలి
అనంతపురం బ్యూరో
27 మంది దళితుల మృతిపై ఎస్ఐటీ విచారణ జరపాలి
అనంతపురం, సెప్టెంబర్ 29:
కూటమి ప్రభుత్వం అధికారంలోకి వచ్చిన తర్వాత రాష్ట్రంలో 27 మంది దళితులు హత్యకు గురయ్యారని ఆరోపిస్తూ బహుజన్ సమాజ్ పార్టీ (బీఎస్పీ) అనంతపురం జిల్లా శాఖ ఆధ్వర్యంలో జిల్లా కలెక్టర్ కార్యాలయం ఎదుట నిరసన చేపట్టారు.
మృతుల కుటుంబాలకు న్యాయం చేయాలని, 27 మరణాలపై ప్రత్యేక దర్యాప్తు బృందం (ఎస్ఐటీ) ఏర్పాటు చేసి సమగ్ర విచారణ జరిపి బాధ్యులపై చర్యలు తీసుకోవాలని డిమాండ్ చేస్తూ కలెక్టర్కు వినతిపత్రం అందజేశారు. గతంలో రాష్ట్ర గవర్నర్కు వినతిపత్రం సమర్పించినప్పటికీ చర్యలు తీసుకోలేదని బీఎస్పీ నాయకులు పేర్కొన్నారు.
కార్యక్రమంలో బీఎస్పీ రాష్ట్ర ప్రధాన కార్యదర్శి చిందనూరు నాగరాజు, రాష్ట్ర కార్యదర్శి గద్దల నాగభూషణం, జిల్లా అధ్యక్షులు కాసాని నాగరాజు, నాయకులు బైనేని శ్రీనివాసరాజు, అంకె కుళ్లాయప్ప, శ్రీనివాసులు, నాగసుబ్బరాయుడు తదితరులు పాల్గొన్నారు.
