నెత్తురు మరిగే నిప్పుల కణం.షాహిద్ భగత్ సింగ్-

-సిపిఎం పార్టీ పట్టణ కార్యదర్శి శ్రీను నాయక్..

నెత్తురు మరిగే నిప్పుల కణం షాహిద్  భగత్ సింగ్ అని షాద్ నగర్ పట్టణ సిపిఎం పార్టీ అధ్యక్షుడు శీను నాయక్ అన్నారు. భగత్ సింగ్   119 వ జయంతిని పురస్కరించుకొని  సిపిఎం పార్టీ షాద్ నగర్   కమిటీ ఆధ్వర్యంలో  పట్టణం లోని ఎంపీడీవో కార్యాలయం ఆవరణలో ని  భగత్ సింగ్ విగ్రహానికి  పూలమాలవేసి  నివాళులర్పించారు. ఈ సందర్భంగా సిపిఎం పట్టణ కార్యదర్శి శ్రీను నాయక్  మాట్లాడుతూ దేశం కోసం దేశ స్వాతంత్రం కోసం అతి చిన్న వయసులోనే ఉరికంబాన్ని ముద్దాడిన వీర విప్లవ యువ కిశోరుడు అని కొనియాడారు నిరాశతో ఉన్న యువతరానికి భగత్ సింగ్ పోరాటం ఒక ఉత్తేజ కరం అన్నారు. రవి ఆస్తమించని బ్రిటిష్ సామ్రాజ్యాన్ని గడగడలాడించి వారి గుండెల్లో రైళ్లు పరిగెత్తించిన విప్లవ యోధుడని తెలిపారు. భగత్ సింగ్ చిన్నతనం నుంచి దేశ స్వాతంత్ర పోరాటంలో పాల్గొన్నారు. ఒక వ్యక్తిని మరో ఒక వ్యక్తి దోచుకొని దోపిడీ లేని సమాజం కావాలని ఆ సమాజమే సోషలిజం అని నమ్మి సామ్రాజ్యవాదానికి వ్యతిరేకంగా నినదించి. అంతరాలు లేని సభ్య సమాజం కోసం సోషలిజం కోసం పనిచేశాడని గుర్తు చేశారు. అందుకోసమే భగత్ సింగ్ హిందుస్థాన్ సోషలిస్ట్ రిపబ్లిక్ ఆర్మీ అనే సంస్థను ఏర్పాటు చేసి పోరాటాలు కొనసాగించారని తెలిపారు. జైలు జీవితంలో భగత్ సింగ్ రాసిన పుస్తకం నేనెందుకు నాస్తికునయ్యాను అనే రచన  మనువాదులకు చెంపపెట్టు అన్నారు... భగత్ సింగ్ ఆశయాలను కొనసాగిస్తామని వారు తెలిపారు.  ఈ కార్యక్రమంలో   .శ్రీకాంత్,అదిల్, రాంచరణ్, శివ గౌడ్ , సాయి గౌడ్, విష్ణు వర్ధన్, రాహుల్తదితరులు పాల్గొన్నారు.

-M. నరసింహ రెడ్డి, మేజర్ న్యూస్ ఫరూక్ నగర్….