14 నుంచి జాతీయ గ్రంథాలయ వారోత్సవాలు

భట్టిప్రోలు, మేజర్ న్యూస్: మండల కేంద్రమైన భట్టిప్రోలులోని శ్రీ మాటూరి రామారావు శాఖ గ్రంథాలయంలో ఈనెల 14 నుండి 20 వరకు 59వ జాతీయ గ్రంథాలయ వారోత్సవాలు నిర్వహించబడుతాయని శాఖ గ్రంధాలయ అధికారి కలపాల సుభాష్ చంద్రబోస్ గురువారం తెలిపారు. ఈ సందర్భంగా ఆయన మాట్లాడుతూ 14న గ్రంథాలయ వారోత్సవాలు ప్రారంభం అవుతాయని, 15న పుస్తక ప్రదర్శన మరియు ముగ్గుల పోటీలు, 16న గ్రంథాలయ ఉద్యమంలో పాల్గొన్న ప్రముఖులను స్మరించుకొనుట, మరియు నీతి కథల వ్రాయటంపై పాటలు, 17న కవి సమ్మేళనాలు మరియు గ్రంథాలయ ఉపయోగాలపై వ్యక్తులకు పాఠాలు, 18న విద్యార్థులకు చిత్రలేఖనం పోటీలు, 19న మహిళ దినోత్సవం సందర్భంగా తెలుగు పద్యాలు, పాటలు. 20న గ్రంథాలయ వారోత్సవాల ముగింపు ఉత్సవము బహుమతి ప్రధాన కార్యక్రమాలు ఉంటాయని ఆయన తెలిపారు. మండలంలోని విద్యార్థులు, ప్రజలు, పాఠకులు ఈ కార్యక్రమంలో పాల్గొని విజయవంతం చేయాలని శాఖా గ్రంధాలయ అధికారి కలపాల సుభాష్ చంద్రబోస్ కోరారు.