పంచాయతీ ఎన్నికల విధులు అదే మండలం లేదా పక్క మండలంలో కేటాయించాలి.. ఎస్‌టీయూ వినతి

అనంతపురం విద్య మేజర్ న్యూస్:-రాబోయే పంచాయతీ ఎన్నికల్లో ఉపాధ్యాయులు, ఉద్యోగులకు అదే మండలం లేదా పక్క మండలంలో విధులు కేటాయించాలని ఎస్‌టీయూ నాయకులు డీపీఓ కార్యాలయ ఏఓకు వినతిపత్రం అందజేశారు. వరుస రెండు ఆదివారాల్లో (నవంబర్ 15, 22) నిర్వహించే శిక్షణను పని దినాల్లో నిర్వహించాలని కోరారు. దీర్ఘకాలిక అనారోగ్య సమస్యలున్నవారు, గర్భిణులు, బాలింతలకు ఎన్నికల విధుల నుంచి మినహాయింపు ఇవ్వాలని విజ్ఞప్తి చేశారు. కార్యక్రమంలో జిల్లా అధ్యక్షుడు ఎన్. రమణారెడ్డి, ప్రధాన కార్యదర్శి ఎస్. రామాంజనేయులు, రాష్ట్ర అదనపు ప్రధాన కార్యదర్శి జి. సూర్యుడు, వి. రాజశేఖర్, నాగభూషణ తదితరులు పాల్గొన్నారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..