పేద విద్యార్థిని లండన్ చదువుకు ఆసరా..పెద్ద మనసు చాటుకున్న ఎంపీ
అమలాపురం మేజర్ న్యూస్ : అంబేద్కర్ కోనసీమ జిల్లా అమలాపురానికి చెందిన ఓ పేద ముస్లిం మైనార్టీ విద్యార్థిని ఉన్నత చదువుల కోసం రాజ్యసభ సభ్యులు సానా సతీష్ పెద్ద మనసు చాటుకున్నారు. లండన్లో ఎంబీఏ చదువుకోవాలన్న ఆ విద్యార్థిని కలకు తన ఆర్థిక సాయంతో రెక్కలు తొడిగి అండగా నిలిచారు. ఎంపీ ఉదార స్వభావం పట్ల కోనసీమ ముస్లిం మైనార్టీ పెద్దలు హర్షం వ్యక్తం చేస్తూ ఆయనకు హృదయపూర్వక కృతజ్ఞతలు తెలిపారు.వివరాల్లోకి వెళితే... అమలాపురానికి చెందిన మహమ్మద్ రెహనా అనే విద్యార్థిని లండన్లో ఎంబీఏ చదవాలని భావించింది. అయితే ఆర్థిక పరిస్థితి అనుకూలించకపోవడంతో దాతల సాయం కోసం ఎదురుచూసింది. ఇటీవల రెండోసారి రాజ్యసభ సభ్యుడిగా ప్రమాణస్వీకారం చేసిన సానా సతీష్.. టీడీపీ జిల్లా ప్రధాన కార్యదర్శి గంధం పల్లంరాజు ఆహ్వానం మేరకు కోనసీమ విచ్చేశారు. ఈ సందర్భంగా టీడీపీ బూత్ కన్వీనర్ వెంకటేశ్వరరావు ద్వారా రెహనా తన పరిస్థితిని వివరిస్తూ ఎంపీకి వినతిపత్రం అందజేసింది.విద్యార్థిని విజ్ఞప్తిపై ఎంపీ సానా సతీష్ తక్షణమే స్పందించారు. ఉన్నత చదువుల పట్ల ఆమెకున్న ఆసక్తిని గమనించి పూర్తి అండదండలు అందించారు. రెహనా ఎంబీఏ చదువుకు అయ్యే ఖర్చుతో పాటు, లండన్ వెళ్లేందుకు అవసరమైన ప్రయాణ ఖర్చులన్నీ తానే భరించి ఆమెను విదేశాలకు పంపారు.సకాలంలో స్పందించి పేద విద్యార్థిని జీవితంలో వెలుగులు నింపిన ఎంపీ సానా సతీష్కు కోనసీమ ముస్లిం మైనార్టీ నాయకులు, పెద్దలు ఘనంగా కృతజ్ఞతలు తెలియజేశారు. ఎంపీకి కృతజ్ఞతలు తెలిపిన వారిలో స్టేట్ వక్ఫ్ బోర్డ్ సభ్యులు హాజీ ముఖరం హుస్సేన్, ప్రముఖ న్యాయవాది మహమ్మద్ అజమ్, ముస్లిం మైనారిటీ వెల్ఫేర్ అధ్యక్షులు మహమ్మద్ బషీర్, టీడీపీ ముస్లిం మైనార్టీ జిల్లా అధ్యక్షులు మహమ్మద్ మిరాన్ షరీఫ్, జనసేన నాయకులు మహమ్మద్ మహబూబ్ షరీఫ్, ఖాదర్ వలీ తదితరులు ఉన్నారు.రంబాల
సత్యనారాయణ మేజర్ న్యూస్ అమలాపురం