అన్నారంలో ఘనంగా అయ్యప్ప స్వామి పడిపూజ
మిర్యాలగూడ అర్బన్, మేజర్ న్యూస్: అన్నారం గ్రామంలో అయ్యప్ప స్వామి పడిపూజా కార్యక్రమాన్ని భక్తిశ్రద్ధలతో ఘనంగా నిర్వహించారు. ఈ సందర్భంగా అన్నారం గ్రామంతో పాటు చుట్టుపక్కల గ్రామాల నుంచి పెద్ద ఎత్తున అయ్యప్ప స్వాములు తరలివచ్చి ప్రత్యేక పూజలు, పడిపూజలో పాల్గొన్నారు. అయ్యప్ప నామస్మరణలు, భక్తి గీతాలతో గ్రామంలో ఆధ్యాత్మిక వాతావరణం నెలకొంది.
ఈ పూజా కార్యక్రమంలో దొంతగాని రాంబాబు గౌడ్ స్వామి, దొంతగాని శంకర్ గౌడ్ స్వామి, పిండిపోలు అయోధ్య స్వామితో పాటు పలువురు అయ్యప్ప స్వాములు పాల్గొన్నారు. వివిధ గ్రామాల నుంచి భారీ సంఖ్యలో స్వాములు హాజరుకావడంతో పూజా కార్యక్రమం భక్తిపారవశ్యంతో కొనసాగింది. స్వామి శరణుఘోషలతో అన్నారం గ్రామం మార్మోగింది.