తాగునీటిని వృథా చేస్తే కఠిన చర్యలు జలమండలి అధికారుల పిలుపు

                       తాగునీటి వృథాపై వాట్సాప్ నంబర్ 99499 30003కు ఫిర్యాదు చేయాలని ప్రజలకు విజ్ఞప్తి

హైదరాబాద్ మేజర్ న్యూస్ (సిటీ ప్రతినిధి):హైదరాబాద్ నగరంలో తాగునీటి వృథా, దుర్వినియోగాన్ని అరికట్టేందుకు జలమండలి ప్రత్యేక చర్యలను ముమ్మరం చేసింది. రాబోయే వేసవిలో తాగునీటి లభ్యతపై సవాళ్లు ఎదురయ్యే అవకాశం ఉన్న నేపథ్యంలో ప్రతి నీటి బొట్టును సంరక్షించేందుకు చర్యలు చేపడుతోంది.

ఈ క్రమంలో జూబ్లీహిల్స్ రోడ్ నంబర్ 70లోని జర్నలిస్టు కాలనీలో ఫ్లోర్ క్లీనింగ్ కోసం తాగునీటిని దుర్వినియోగం చేస్తున్నట్లు గుర్తించిన జలమండలి అధికారులు రూ.20 వేల జరిమానా విధించి వసూలు చేశారు.

జూబ్లీహిల్స్ జర్నలిస్టు కాలనీ, ఇంటి నంబర్ 8-2-293/82/J/A/24లో మహమ్మద్ జరీనా బేగం (CAN No. 061112041) పేరుతో ఉన్న నీటి కనెక్షన్‌కు సంబంధించిన ప్రాంగణాన్ని అక్షయకల్ప ఫార్మ్స్ అండ్ ఫుడ్స్ ప్రైవేట్ లిమిటెడ్ సంస్థ వినియోగిస్తోంది. ఈ ప్రాంగణంలో తాగునీటిని ఫ్లోర్ క్లీనింగ్‌కు ఉపయోగిస్తున్నట్లు గుర్తించిన అధికారులు జరిమానా విధించడంతో పాటు మురుగునీటి కనెక్షన్‌ను తాత్కాలికంగా తొలగించారు.