సంప్రదాయబద్ధంగా దీపావళి వేడుకలు - ప్రజలకు నగర మేయర్ శుభాకాంక్షలు

సూర్య నస్పూర్ : మంచిర్యాల మున్సిపల్ కార్పొరేషన్ మేయర్ దర్ని మధుకర్ తన స్వగృహంలో ఆదివారం సాయంత్రం దీపావళి పండుగను పురస్కరించుకుని సంప్రదాయబద్ధంగా ప్రత్యేక పూజలు నిర్వహించారు. అనంతరం కుటుంబ సభ్యులతో కలిసి దీపావళి వేడుకలను ఆనందోత్సాహాల మధ్య జరుపుకున్నారు. ఈ సందర్భంగా మేయర్ దర్ని మధుకర్ మాట్లాడుతూ…  మంచిర్యాల మున్సిపల్ కార్పొరేషన్ పరిధిలోని అన్ని డివిజన్ల కార్పొరేటర్లు, కో ఆప్షన్ సభ్యులు, ప్రజాప్రతినిధులు, అధికారులు, సిబ్బంది, కాంగ్రెస్ పార్టీ నాయకులు, అనుబంధ సంఘాల నాయకులు, ప్రజలు, మహిళలు, ప్రింట్ అండ్ ఎలక్ట్రానిక్ మీడియా ప్రతినిధులకు దీపావళి పండుగ శుభాకాంక్షలు తెలిపారు. దీపావళి ప్రతి ఒక్కరి జీవితాల్లో కొత్త వెలుగులు నింపాలని, సుఖసంతోషాలు,ఆయురారోగ్యాలు, అష్టైశ్వర్యాలు కలగాలని ఆకాంక్షించారు. చెడుపై మంచి సాధించిన విజయానికి ప్రతీకగా నిలిచే దీపావళి పండుగను ప్రతి ఒక్కరూ ఆనందంగా జరుపుకోవాలని సూచించారు. సమాజంలో శాంతి, సౌభ్రాతృత్వం వెల్లివిరియాలని, ప్రతి కుటుంబం అభివృద్ధి పథంలో పయనించాలని భగవంతుడిని ప్రార్థించినట్లు పేర్కొన్నారు.