సంగారెడ్డిలో జిల్లా స్థాయి గో విజ్ఞాన పరీక్ష – లెవల్‌-2 నిర్వహణ
సంగారెడ్డి;శ్రీ సరస్వతీ శిశు మందిర్ ఉన్నత పాఠశాల కేంద్రంగా జిల్లా స్థాయి గో విజ్ఞాన పరీక్ష లెవల్‌-2ను శనివారం నిర్వహించారు. ఈ పరీక్షకు వివిధ పాఠశాలలు, కళాశాలల నుంచి సుమారు 203 మంది విద్యార్థులు ఎంతో ఆసక్తిగా పాల్గొన్నారు.ఈ కార్యక్రమానికి ముఖ్య వక్తగా హాజరైన హైకోర్టు న్యాయవాది కరుణాసాగర్ మాట్లాడుతూ.. గోమాత గొప్పతనం, గోవుల వల్ల కలిగే ప్రయోజనాలు, మానవ జీవితంలో గోవుల ప్రాముఖ్యత గురించి వివరించారు. గోసంరక్షణ ఆవశ్యకతను ప్రతి ఒక్కరూ గుర్తించాలని, గోవుల సంరక్షణలో సమాజం భాగస్వాములు కావాలని పిలుపునిచ్చారు. శ్రీ సరస్వతీ శిశు మందిర్ పాఠశాలలు సైతం గోసంరక్షణలో కీలక పాత్ర పోషిస్తున్నాయని పేర్కొన్నారు.ఈ కార్యక్రమంలో జిల్లా గోసంరక్షణ ప్రముఖులు పల్లె పెంటారెడ్డి, కాసుల భూపాల్ రెడ్డి, శివరాజు, సమితి కార్యదర్శి పి. చంద్రశేఖర్, విద్యార్థుల తల్లిదండ్రులు, పోషకులు తదితరులు పాల్గొన్నారు.ఈ వివరాలను పాఠశాల ప్రధానాచార్యులు ఎం. నరసింహ గౌడ్ వెల్లడించారు.
