సిరిసిల్లలో పెన్షన్ల కోసం లబ్ధిదారుల నిరసన
సూర్య రాజన్న సిరిసిల్ల :చిన్నబోనాల 10వ వార్డులో పెన్షన్ల మంజూరు వ్యవహారం వివాదాస్పదమైంది.వార్డులో 39 మంది పెన్షన్లకు దరఖాస్తు చేయగా, విచారణలో అర్హులుగా గుర్తించినప్పటికీ కేవలం 27 మందికే మంజూరు చేయడంపై బాధితులు ఆగ్రహం వ్యక్తం చేశారు.మిగిలిన 12 మందికీ పెన్షన్లు ఇవ్వాలని డిమాండ్ చేస్తూ సినారె కళామందిరంలో జరిగిన పెన్షన్ ప్రొసీడింగ్ కాపీల పంపిణీ కార్యక్రమాన్ని బహిష్కరించారు. 39 మందికీ ఇవ్వకుంటే 27 మందికి మంజూరైన కాపీలు కూడా తీసుకోబోమని స్పష్టం చేశారు.పెన్షన్లు రాని వారిలో వితంతువులు,పక్షవాత బాధితులు, వికలాంగులు,వృద్ధులు,చెవిటి-మూగ చిన్నారులు ఉన్నారని తెలిపారు.