telangana
శ్రీ చైతన్య ఫార్మసీ కళాశాలలో 65వ ఫార్మసీ వారోత్సవాలు
సూర్య తిమ్మాపూర్ ; తిమ్మాపూర్ మండలంలోని శ్రీ చైతన్య ఫార్మసీ కళాశాలలో 65వ జాతీయ ఫార్మసీ వారోత్సవాలు శనివారం ఘనంగా ముగిశాయి. కళాశాల చైర్మన్ ముద్దసాని రమేష్రెడ్డి ప్రారంభించిన వారోత్సవాల్లో విద్యార్థులు ప్రజలకు మందుల వినియోగంపై అవగాహన కల్పించే కార్యక్రమాలు నిర్వహించారు. ఫార్మాక్విజ్, సైటూన్స్, లీఫ్లెట్, పోస్టర్ ప్రజెంటేషన్, రీల్స్, సాంస్కృతిక కార్యక్రమాలతో పాటు పలు పోటీలు నిర్వహించారు. ముఖ్య అతిథిగా పాల్గొన్న డాక్టర్ పి. రాజేంద్రప్రసాద్, ఎండీ (జనరల్ మెడిసిన్), ప్రభుత్వ జనరల్ ఆసుపత్రి కరీంనగర్, యాంటీమైక్రోబియల్ రెసిస్టెన్స్ (ఏఎంఆర్), యాంటీబయాటిక్స్ వినియోగంపై అవగాహన కల్పించారు. పోటీల్లో విజేతలకు చైర్మన్ ముద్దసాని రమేష్రెడ్డి, డైరెక్టర్ కె. సౌందర్రెడ్డి, ప్రిన్సిపాల్ డీవీఏ రామనర్సింహారెడ్డి బహుమతులు అందజేశారు. కార్యక్రమంలో హెచ్ఓడీలు డాక్టర్ ఎం. శ్రీనివాస్, డాక్టర్ జి. చంద్రమౌళి, అధ్యాపకులు, విద్యార్థులు పాల్గొన్నారు.