ప్రధాన రహదారిపై ఇసుక వల్ల ఇబ్బంది పడుతున్న ప్రజలు,వాహనదారులు

సూర్య బెజ్జుర్ : కొమరం బీమ్ ఆసిఫాబాద్ జిల్లా బెజ్జూర్ మండల కేంద్రంలోని ప్రధాన రహదారిపై ఇసుక పేరుకుపోవడం వల్ల వాహనదారులు తీవ్ర ఇబ్బందులు పడుతున్నారు. ఈ సమస్య కారణంగా జరుగుతున్న ప్రధాన ఇబ్బందులు మరియు ప్రమాదాలు  రోడ్డుపై పేరుకుపోయిన ఇసుక వల్ల బైకులు, స్కూటర్లు నడిపేటప్పుడు టైర్లు పట్టు కోల్పోయి వాహనదారులు కిందపడి గాయాలపాలవుతున్నారు. మలుపులు మరియు ప్రధాన కూడళ్ల వద్ద ఇసుక ఎక్కువగా ఉండటంతో వాహనాల వేగాన్ని హఠాత్తుగా తగ్గించాల్సి వస్తోంది, దీనివల్ల ట్రాఫిక్‌కు ఇబ్బంది కలుగుతోంది. వాహనాలు వెళ్లేటప్పుడు ఇసుక రేణువులు కళ్లలో పడటం, దుమ్ము లేవడంv వల్ల నడిచి వెళ్లేవారు సైతం ఇబ్బంది పడుతున్నారు.స్థానికులు మరియు వాహనదారులు సంబంధిత అధికారులు స్పందించి, ప్రధాన రహదారిపై ఉన్న ఇసుకను వెంటనే తొలగించి ప్రమాదాలు జరగకుండా చర్యలు తీసుకోవాలని కోరుతున్నారు.