ఓబీసీ మోర్చా మండల అధ్యక్షుడిగా సక్కారం నిఖిల్ - బాల్కొండ అసెంబ్లీ ఓబీసీ కన్వీనర్ గా కొండా రామ్ గౌడ్ నియమకం
సూర్య కమ్మర్ పల్లి : కమ్మర్ పల్లి మండలంలోని చౌట్పల్లిలో బుధవారం భారతీయ జనతా పార్టీ బాల్కొండ నియోజకవర్గ ఓబీసీ మోర్చా పదాధికారుల నియామక కార్యక్రమం నిర్వహించారు. ఈ సందర్భంగా బాల్కొండ అసెంబ్లీ ఓబీసీ కన్వీనర్గా కొండ రామ్ గౌడ్, కమ్మర్ పల్లి మండల ఓబీసీ మోర్చా అధ్యక్షుడిగా సక్కారం నిఖిల్ నియమితులయ్యారు. నూతనంగా నియమితులైన పదాధికారులను నాయకులు శాలువాలతో సత్కరించి శుభాకాంక్షలు తెలిపారు.ఈ కార్యక్రమానికి ముఖ్య అతిథిగా హాజరైన బీజేపీ బాల్కొండ నియోజకవర్గ ఇన్చార్జి, రాష్ట్ర కార్యవర్గ సభ్యుడు ఏలేటి మల్లికార్జున్ రెడ్డి మాట్లాడుతూ. ఓబీసీ మోర్చా పార్టీకి వెన్నెముక లాంటిదని అన్నారు. నూతన పదాధికారులు గ్రామగ్రామాన పార్టీని బలోపేతం చేస్తూ, ఓబీసీ వర్గాల సమస్యల పరిష్కారానికి కృషి చేయాలని పిలుపునిచ్చారు. ఓబీసీల కోసం ప్రభుత్వం అమలు చేస్తున్న పథకాలను ప్రజల్లోకి తీసుకెళ్లాల్సిన బాధ్యత మోర్చా నాయకులపై ఉందని తెలిపారు. ఈ కార్యక్రమంలో ఓబీసీ జిల్లా అధ్యక్షుడు బొబ్బిలి వేణుగోపాల్, జిల్లా కార్యదర్శి నిమ్మల శ్రీనివాస్, జిల్లా ఉపాధ్యక్షుడు వర్ణం శ్రీధర్, బీజేపీ మండల అధ్యక్షుడు బద్దం రమేష్ రెడ్డి, ఇతర పలు మండల అధ్యక్షులు,బీజేపీ నాయకులు,కార్యకర్తలు తదితరులు పాల్గొన్నారు.