మోడల్ స్కూల్‌ల సమస్యలు పరిష్కరించాలని ఉపాధ్యాయుల నిరసన

చేవెళ్ల : తెలంగాణ ఆదర్శ పాఠశాలల జేఏసీ (JAC) పిలుపు మేరకు చేవెళ్ల మోడల్ స్కూల్ ఉపాధ్యాయులు శుక్రవారం నిరసన కార్యక్రమం చేపట్టారు. నిరసనలో భాగంగా మొదటి రోజు మధ్యాహ్న భోజన విరామ సమయంలో నల్ల బ్యాడ్జీలు ధరించి తమ నిరసనను వ్యక్తం చేశారు.

ఈ సందర్భంగా ఉపాధ్యాయులు మాట్లాడుతూ, మోడల్ స్కూల్‌లలో పనిచేస్తున్న ఉపాధ్యాయులు ఎదుర్కొంటున్న సమస్యలను ప్రభుత్వం వెంటనే పరిష్కరించాలని డిమాండ్ చేశారు.

ప్రధాన డిమాండ్లు ఇవే..

• మోడల్ స్కూల్‌లను విద్యాశాఖలో విలీనం చేయాలి.
• 010 పద్దు ద్వారా వేతనాలు చెల్లించాలి.
• పెండింగ్‌లో ఉన్న డీఏ బకాయిలను వెంటనే విడుదల చేయాలి.
• నూతన హెచ్‌బీటీల (HBTs) వేతనాన్ని రూ.35,000కు పెంచాలి.
• వృత్తి విద్యా (Vocational) ఉపాధ్యాయుల పెండింగ్ వేతన బకాయిలను విడుదల చేయాలి.
• ఉపాధ్యాయులు ఎదుర్కొంటున్న ఇతర సమస్యలను పరిష్కరించాలి.

ఈ సమస్యలపై ప్రభుత్వం సానుకూలంగా స్పందించి, తమ న్యాయమైన డిమాండ్లను నెరవేర్చాలని ఉపాధ్యాయులు కోరారు.

ఈ నిరసన కార్యక్రమంలో జేఏసీ సభ్యులు కె. బాబు, మహేశ్వరరావు, వినోద్ కుమార్, అరవింద్, అంజిలప్ప, స్వప్న, హూరున్నీసా, హూర్ జహన్ బేగం, సల్మా బేగం, శ్రీనివాస్ రెడ్డి, శివకుమార్, షహన బేగం తదితరులు పాల్గొన్నారు.