మెడికల్ షాపులపై సస్పెన్షన్లు ఎత్తివేయాలి
కెమిస్టుల సమస్యలను కూన శ్రీశైలం గౌడ్ దృష్టికి తీసుకెళ్లిన అసోసియేషన్ ప్రతినిధులు
జీడిమెట్ల మేజర్ న్యూస్ : డ్రగ్స్ కంట్రోల్ శాఖ అధికారులు నిర్వహించిన తనిఖీల అనంతరం మెడికల్ షాపులపై విధించిన నిరవధిక సస్పెన్షన్లతో కెమిస్టులు ఎదుర్కొంటున్న సమస్యలను పరిష్కరించాలని కోరుతూ మేడ్చల్ జిల్లా కెమిస్ట్స్ అండ్ డ్రగ్గిస్ట్స్ అసోసియేషన్ ప్రతినిధులు శనివారం మాజీ ఎమ్మెల్యే కూన శ్రీశైలం గౌడ్‌ను కలిసి వినతిపత్రం సమర్పించారు.
అసోసియేషన్ వ్యవస్థాపక అధ్యక్షుడు యరమాద హరి నారాయణ ఆధ్వర్యంలో ప్రతినిధులు షాపూర్‌నగర్‌లోని కూన శ్రీశైలం గౌడ్ నివాసంలో ఆయనను కలిశారు. ఈ సందర్భంగా ఇటీవల డ్రగ్స్ కంట్రోల్ శాఖ అధికారులు మెడికల్ షాపులపై నిర్వహించిన తనిఖీలు, అనంతరం పలు షాపులకు విధించిన నిరవధిక సస్పెన్షన్ల కారణంగా కెమిస్టులు ఎదుర్కొంటున్న ఇబ్బందులను ఆయన దృష్టికి తీసుకెళ్లారు. నిబంధనల అమలుతో పాటు తమకు ఎదురవుతున్న సమస్యలను అధికారులు పరిశీలించి న్యాయం చేయాలని కోరారు. కెమిస్టుల సమస్యలను కూన శ్రీశైలం గౌడ్ సానుకూలంగా విన్నారు.
ఈ విషయాన్ని ప్రభుత్వం, సంబంధిత మంత్రి, అధికారుల దృష్టికి తీసుకెళ్లి సమస్యల పరిష్కారానికి తన వంతు కృషి చేస్తానని హామీ ఇచ్చారు. మెడికల్ షాపుల నిర్వాహకులు ఎదుర్కొంటున్న ఇబ్బందులపై అధికారులతో చర్చిస్తానని తెలిపారు. ఈ కార్యక్రమంలో అసోసియేషన్ సభ్యులు బ్రహ్మానందం, ముక్తార్ అలీ, కృష్ణ గౌడ్, మధు గౌడ్, మొహమ్మద్ షాకీర్, ప్రభాకర్ గౌడ్, సంతోష్ గౌడ్, నరేష్ గౌడ్, సునీల్ గౌడ్, అభిరామ్ గౌడ్, ప్రదీప్ గౌడ్, శేఖర్ గౌడ్, ప్రవీణ్, రాము, సంగమేష్, నవీన్, అశోక్, షాజహాన్, పవన్ గౌడ్, రాజశేఖర్, శ్రీధర్ గుప్తా, శ్రీధర్, రాజు, విక్రమ్, సత్యనారాయణ తదితరులు పాల్గొన్నారు.
