*కొమరం భీమ్ ఆశయాలు స్ఫూర్తిదాయకం*
*మధిర స్విమ్మర్స్ అసోసియేషన్ ఆధ్వర్యంలో ఘనంగా కొమరమ్ భీమ్ జయంతి వేడుకలు.*
మధిర.. సూర్య మేజర్ న్యూస్
మధిరలో స్విమ్మర్స్ అసోసియేషన్ అధ్యక్షులు జంగా నరసింహారెడ్డి ఆధ్వర్యంలో గిరిజన వీరుడు కొమరం భీమ్ జయంతి వేడుకలను ఘనంగా నిర్వహించారు. ఈ సందర్భంగా కొమరం భీమ్ చిత్రపటానికి నివాళులర్పించి, ఆయన పోరాట స్ఫూర్తిని స్మరించుకున్నారు. ఈ కార్యక్రమంలో పాల్గొన్న పల్లపోతు ప్రసాదరావు, లింగంపల్లి అప్పారావు మాట్లాడుతూ, కొమరం భీమ్ తన జీవితాన్ని గిరిజనుల హక్కుల సాధన కోసం అంకితం చేసిన గొప్ప పోరాట యోధుడని పేర్కొన్నారు. “జల్, జంగల్, జమీన్” నినాదంతో గిరిజనుల హక్కుల కోసం ఆయన సాగించిన పోరాటం నేటి తరానికి స్ఫూర్తిదాయకమని తెలిపారు. అన్యాయానికి ఎదురొడ్డి నిలిచి, తన జాతి ఆత్మగౌరవం కోసం పోరాడిన కొమరం భీమ్ త్యాగాలను ప్రతి ఒక్కరూ గుర్తుంచుకోవాలని అన్నారు. ఆయన ఆశయాలను ఆదర్శంగా తీసుకొని సమాజ అభివృద్ధికి, ఐక్యతకు ప్రతి ఒక్కరూ కృషి చేయాలని పిలుపునిచ్చారు. మధిర స్విమ్మర్స్ అసోసియేషన్ ఆధ్వర్యంలో మహనీయుల జయంతి వేడుకలను నిర్వహించడం అభినందనీయమని పేర్కొంటూ, కొమరం భీమ్ సేవలనుకొనియాడారు. ఈ కార్యక్రమంలో పల్లపోతుల ప్రసాద్ శీలం శ్రీనివాసరెడ్డి చల్లా సత్యనారాయణ ఇన్ స్టైల్ రాము గండూరి రాంబాబు గొల్లపల్లి శ్రీనివాస చారి వేమిరెడ్డి పిచ్చిరెడ్డి (ఫైర్) శాఖమూడి బ్రహ్మయ్య దాచేపల్లి రాము కొత్తూరు నరసింహారావు సముద్రాల ఉపేందర్ తదితరులు పాల్గొన్నారు.
