కూటమి మేయర్ అభ్యర్థిరూప్ కుమార్ గారి తో విజయలక్ష్మి గునుకుల భేటీ!

నెల్లూరు, మేజర్ న్యూస్ :   కూటమి విజయమే లక్ష్యంగా సమన్వయంతో ముందడుగు నెల్లూరు నగరపాలక సంస్థ పరిధిలోని 21వ డివిజన్‌కు కూటమి బలపరిచిన జనసేన పార్టీ కార్పొరేటర్ అభ్యర్థిగా బీఫామ్ అందుకున్న విజయలక్ష్మి గునుకుల, కూటమి బలపరిచిన తెలుగుదేశం పార్టీ మేయర్ అభ్యర్థి, మాజీ మేయర్ పోలుబోయిన రూప్ కుమార్ యాదవ్‌ను మర్యాదపూర్వకంగా కలిశారు. ఈ సందర్భంగా ఎన్నికల్లో కూటమి విజయమే లక్ష్యంగా సమన్వయంతో ముందుకు సాగాలని ఇరువురు ఆకాంక్షించారు. నెల్లూరు నగర అభివృద్ధికి కృషి చేయడంతో పాటు, ప్రజల సమస్యల పరిష్కారానికి ప్రాధాన్యత ఇవ్వాలని చర్చించినట్లు తెలిపారు. కూటమి నాయకులు, కార్యకర్తల మధ్య సమన్వయంతో ఎన్నికల కార్యక్రమాలను ముందుకు తీసుకెళ్లేందుకు ఈ భేటీ దోహదపడుతుందని పార్టీ వర్గాలు పేర్కొన్నాయి.