గేదెదూడ మృతదేహాన్ని లాక్కెళ్లిన చిరుత

--సీసీ కెమెరాల్లో రికార్డు..భయాందోళనలో రైతులు, గ్రామస్తులు* 

నవాబుపేట సూర్య న్యూస్:మండలంలోని యన్మనగండ్ల గ్రామ శివారులోని దేవరగుట్ట సమీపంలో బుధవారం చిరుత దాడిలో కొనింటి చెన్నయ్యకు చెందిన గేదె దూడ మృతి చెందింది.ఈ ఘటనతో గ్రామంలోని రైతులు,గ్రామస్తులు భయాందోళనకు గురవుతున్నారు.ఈ ఘటనపై అటవీ శాఖ సెక్షన్ ఆఫీసర్ వెంకటేష్,బీట్ ఆఫీసర్ జీవిత విచారణ చేపట్టి,సంఘటనా స్థలాన్ని పరిశీలించారు.గేదెదూడ మృతదేహం వద్ద సీసీ కెమెరాలను ఏర్పాటు చేశారు.చిరుత మళ్లీ మృతదేహం వద్దకు వచ్చి,దానిని కొంత దూరం వరకు లాక్కెళ్లిన దృశ్యాలు సీసీ కెమెరాల్లో రికార్డయినట్లు సెక్షన్ ఆఫీసర్ వెంకటేష్ తెలిపారు.చిరుత సంచారంతో రైతులు,గ్రామస్తులు ఆందోళన చెందుతున్న నేపథ్యంలో అటవీ శాఖ అధికారులు అప్రమత్తమయ్యారు.ఈ ఘటనకు సంబంధించిన వివరాలను ఉన్నతాధికారులకు నివేదించామని,వారి అనుమతితో తదుపరి చర్యలు చేపడతామని వెంకటేష్ పేర్కొన్నారు.