కాంగ్రెస్‌లో చేరిన బీఆర్‌ఎస్ గ్రామ అధ్యక్షుడు...
సూర్య - పెద్దపల్లి రూరల్: మండలంలోని కొత్తపల్లి గ్రామానికి చెందిన వార్డు సభ్యుడు బీఆర్‌ఎస్ గ్రామ అధ్యక్షుడు కలవేన సతీష్ కాంగ్రెస్ పార్టీలో చేరారు. ప్రభుత్వ విప్, పెద్దపల్లి ఎమ్మెల్యే చింతకుంట విజయ రమణారావు సమక్షంలో వారు కాంగ్రెస్ తీర్థం పుచ్చుకున్నారు. ఈ సందర్భంగా ఎమ్మెల్యే వారికి పార్టీ కండువా కప్పి సాదరంగా పార్టీలోకి ఆహ్వానించారు. కాంగ్రెస్ ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలకు ఆకర్షితులై పార్టీలో చేరినట్లు వారు తెలిపారు. ఈ కార్యక్రమంలో గ్రామ సర్పంచ్ పేర్క రిబ్కా సంతోష్, మున్సిపల్ చైర్మన్ నూగిళ్ల మల్లయ్య, సహకార సంఘం చైర్మన్ ముత్యాల నరేష్, మాజీ సర్పంచ్ సత్యం, వార్డు సభ్యులు అజయ్, డైరెక్టర్ సంపత్, కాంగ్రెస్ మండల అధ్యక్షులు కట్కూరి సుధాకర్ రెడ్డి, నాయకులు ఎల బోతారం శంకరయ్య, షూకూర్, ఎంచర్ల తిరుమలేష్, కుమార్ గ్రామస్తులు పాల్గొన్నారు.
