జిల్లాలో విద్యుత్తు వినియోగదారుల దినోత్సవం మెదక్ జిల్లా విద్యుత్తు శాఖ ఎస్ఈ నారాయణ నాయక్
మెదక్ ; మెదక్ జిల్లాలో విద్యుత్తు వినియోగదారుల సమస్యలను పరిష్కరించేందుకు ఈనెల 3వ తేదీ విద్యుత్తు వినియోగదారుల దినోత్సవం (కన్సూమర్స్ డే) నిర్వహిస్తున్నట్లు జిల్లా విద్యుత్తు శాఖ ఎస్ఈ నారాయణ నాయక్ తెలిపారు. ఈ సందర్భంగా మెదక్లోని తన కార్యాలయంలో మాట్లాడుతూ...జిల్లాలో రైతులకు, గృహావసర విద్యుత్తు వినియోగదారులకు ధీర్ఘకాలికంగా విద్యుత్తు సమస్యలు ఏమైనా ఉన్నా, మీటర్లు, అధిక బిల్లులు వచ్చినా, రైతులకు ట్రాన్స్ఫార్మర్లకు కానీ, విద్యుత్తు వైర్లకు సంబంధించి తదితర సమస్యలను నేరుగా జిల్లా వ్యాప్తంగా ఆయా సబ్ డివిజనల్ ఆఫీసు, మెదక్, తూప్రాన్ డివిజనల్ ఆఫీసు, మెదక్ జిల్లా సూపరింటెండెంట్ కార్యాలయాల్లో ఈనెల 3న మంగళవారం నాడు 10.30 గంటల నుంచి మధ్యాహ్నం ఒంటిగంట వరకు నిర్వహించే వినియోగదారుల దినోత్సవ ప్రత్యేక కార్యక్రమానికి వచ్చి తమ సమస్యలను తెలియజేస్తే వాటిని పరిష్కరించడం జరుగుతుందని ఎస్ఈ నారాయణ నాయక్ తెలిపారు. దీంతో పాటు విద్యుత్తు వినియోగదారులకు సంబంధించి ఎలాంటి సమస్యలు ఉన్నా మెదక్ జిల్లాలోని ఆయా సబ్ డివిజనల్, డివిజనల్, జిల్లా కార్యాలయాల్లో అధికారులు, సిబ్బంది అందుబాటులో ఉండి వాటిని పరిష్కరించేలా అవసరమైన చర్యలు తీసుకుంటారని పేర్కొన్నారు. మెదక్ జిల్లాకు సంబంధించి విద్యుత్తు వినియోగదారులు, రైతులు ఈనెల 3వ తేదీ సోమవారం నిర్వహించే వినియోగదారుల దినోత్సవాన్ని సద్వినియోగం చేసుకోవాలని ఎస్ఈ నారాయణ నాయక్ కోరారు.
