ఎదులపాడ్‌లో నూతన భవనాల నిర్మాణానికి ఏకగ్రీవ తీర్మానం

సూర్య తిర్యాణి : తిర్యాణి మండలం ఎదులపాడ్ గ్రామంలో గ్రామపంచాయతీ, అంగన్‌వాడీ, రేషన్ దుకాణాలకు నూతన భవనాలు మంజూరు చేయాలని కోరుతూ ఆసిఫాబాద్ ఎమ్మెల్యే కోవా లక్ష్మికి రాయి సెంటర్ సర్మీడి మడావి అంబరావు వినతిపత్రం సమర్పించారు.గ్రామపంచాయతీ సర్పంచ్ మడావి పార్వతి, కార్యవర్గ సభ్యులు గ్రామసభలో భవనాల నిర్మాణంపై చర్చించి ఏకగ్రీవంగా తీర్మానం చేశారు. ఈ గ్రామసభలో రాయి సెంటర్ సర్మీడి మడావి అంబరావు పాల్గొన్నారు.గ్రామసభ తీర్మాన ప్రతిని ఎమ్మెల్యే కోవా లక్ష్మికి అందజేసి, గ్రామ అవసరాలను పరిగణనలోకి తీసుకుని ఆయా భవనాల నిర్మాణానికి నిధులు మంజూరు చేయాలని అంబరావు కోరారు. ప్రజలకు మెరుగైన సౌకర్యాలు అందేలా భవనాల నిర్మాణానికి చర్యలు తీసుకోవాలని విజ్ఞప్తి చేశారు.