గోదావరి పుష్కర ఘాట్ల అభివృద్ధికి చర్యలు.

గోదావరి పుష్కర ఘాట్ల అభివృద్ధికి చర్యలు.

దుమ్ముగూడెం సూర్య న్యూస్::
మండల పరిధిలోని పర్ణశాల,దుమ్ముగూడెం గోదావరి పుష్కర ఘాట్ల అభివృద్ధి పనులను సోమవారం ఇరిగేషన్ ఎస్ఈ కె.మహేశ్వరరావు క్షేత్రస్థాయిలో పరిశీలించారు.పర్ణశాలలోని పాత పుష్కర ఘాట్ ఆధునీకరణకు ప్రభుత్వం రూ.1.15 కోట్లు మంజూరు చేసిందని ఎస్ఈ తెలిపారు.అలాగే దుమ్ముగూడెం వద్ద నూతనంగా నిర్మించనున్న పుష్కర ఘాట్ కోసం రూ.5.6 కోట్లతో అంచనాలు సిద్ధం చేసి ప్రతిపాదనలు పంపినట్లు ఆయన పేర్కొన్నారు.భక్తులకు ఎలాంటి అసౌకర్యం కలగకుండా పనులు త్వరితగతిన పూర్తి చేయాలని అధికారులకు సూచించారు.అనంతరం దుమ్ముగూడెంలోని ఎస్ఎల్ఎస్ హైడెల్ పవర్ ప్రాజెక్టును సందర్శించి రికార్డులను తనిఖీ చేశారు.ఈ కార్యక్రమంలో ఈఈ సయ్యద్ అహ్మద్ జానీ,ఏఈఈ ఎన్.సూర్యం,పీటీ ముస్తాన్ వలీ,సిబ్బంది పాల్గొన్నారు.